蜘蛛俠：不戰無歸

我又未至於覺得今集係蜘蛛俠系列最好睇嘅一集，我仍然鍾情杜比仔做既個三集，由普通人到成型到之後面對各種問題，整體都拍得較實淨同埋有質感多啲，有MCU加持既SpiderMan系列係熱鬧好多，但感覺好多都比較虛，未夠貼地。今集最大賣點，就係咁多集奸角大曬冷，蜘蛛俠三代同堂，出場的確教人感動。回憶總是美好的，後半部集合三代蜘蛛俠一齊去戰鬥好震撼，編劇亦都好聰明利用次元宇宙呢個元素大玩集體回憶，令到觀眾睇到賞心悅目，畫面上動作上係亮麗嘅，只不過我略嫌故事太過搵戲黎做：如果蜘蛛仔唔搞咁多嘢，滿口偉大嘅理論，其實呢套戲未必會發生，而中段梅姨那段亦都黎得突然，編排上好似估到將會有事發生，所以係略嫌過於搵戲黎做。整體而言，我都算係SpiderMan fans，今集一次過滿足晒咁多年黎嘅情意結同埋回憶，縱然第一二代蜘蛛俠歲月催人，老態呈現，回憶搭夠，更會自嘲，係有趣，多個奸角出現都好震撼，使今個系列嘅演員變成配角，而呢一樣野亦掩蓋左劇本上嘅不足好多，救咗成個系列，史上最佳？算係史上系列最有睇頭先啱。

要感動有感動，要好笑有好笑，要動作有動作，要痾尿位無痾尿位。節奏明快無悶場。總之對成套片我係俾100分！唔方便劇透所以淨係講咁多，自己入場見證歷史啦！可以講係兩條片尾都好精彩！

每個人都有第二次機會改變，個個壞人唔洗終極要死；英雄拍到爛？都係睇你點樣演繹你個故事，唔洗講大義大愛複複雜雜，睇marvel 最重要marvel味，成個中佬入去出返黎變返靚仔😁。Andrew 嗰場救MJ好正，最感動到咩叫比多次機會🥲。Tom終於大個仔，放手得到所有，佢快樂就係我快樂🥲。再講多就劇透🤫🤭就如今次主題，喂，比次機會呀，唔洗死得唔得？今次拍得-「掂」！

終於知道不戰「無歸」個名點解啦，原來戲名早已說明一切。。。🤣👍🏻

三個蜘蛛俠同一部戲睇到有啲流眼淚

本片帶出兩個問題，第一，男主角只係一個高中生，當能力越大責任越大，但係佢有冇能力去管理？本集某程度上係男主角婦人之仁所做成，蜘蛛俠比較入屋，比較受人歡迎，因為係一個高中生去打壞人，但佢要同其他英雄角式要做類似嘅嘢，係咪對佢唔太公平？第二，我明白男主角想壞人變好，但佢嘅方法只係將壞人嘅超能力消除，同有冇變好其實冇乜關係，正如葉繼歡冇咗AK 47係咪就係一個好人？(我見只有八爪魚博士，係仲有能力時，真心變好），其他人只係已經冇能力去做壞事。或者都係反映出男主角人生閱歷太淺，用一個佢以為係最好嘅方法去幫人。Anyway,英雄片都係睇特技,劇情唔太離譜都OK,中間都有不少笑位，值得一看忘記講，我唔係成日睇Marvel，觀點同其他人或者不一樣，大家再傾