衣櫃裡的媽咪

電影保留小說一樣嘅開放結局 但係感覺剪得有啲散

#OtherMommy #異界媽媽 #衣櫃裡的媽咪 大家好，我是 Wild Wildy！今日同大家睇吓上映一週嘅恐怖電影—— (Other Mommy)！呢套電影由曾經執導著名恐怖片《鬼友網》(Host)、《惡靈取鏡》(DASHCAM) 同《鬼屋歷險》(The Boogeyman) 嘅導演 Rob Savage 執導。主角陣容相當強勁，有金像影后 Jessica Chastain（積西嘉·查斯坦）一人分飾兩角、小童星 Arabella Olivia Clark 飾演女兒 Bela，以及 Jay Duplass 等人聯合主演。Google Fact-Check 影評基本數據IMDb 評分：5.4 / 10Rotten Tomatoes 爛番茄：17% (Critics) / 48% (Audience)我3-4…故事簡介： 故事改編自恐怖小說，講述 8 歲小女孩 Bela（Arabella Olivia Clark 飾）喺家庭婚姻出現危機之際，發現屋企出現咗一個同自己媽媽一模一樣嘅邪惡怪物「Other Mommy」，並一步步落入恐怖異空間嘅過程。講:Jessica Chastain 演繹失心瘋母親： 影后 Jessica Chastain (2022) 今次一人分飾兩角，既要演現實中嘅母親，又要演邪惡嘅怪物 Other Mommy。其實佢喺 2014 年嘅《Mothers' Instinct》裡面就已經演過失心瘋嘅母親，今次分飾兩角手到拿來... 喺溫柔同詭異邪惡之間瞬間切換，演技依然有保證... 可惜新意一般，彈位再補充，小童星 Arabella Olivia Clark 表現亮眼： 飾演女兒 Bela 的 Arabella Olivia Clark 演技相當出色！面對各種詭異場面同特效，佢嘅眼神同驚恐反應都非常有感染力，完全撐得起成套戲嘅童星大樑。彈:(引例子微劇透慎入!!!!!!!!!!!!!!!)話說外國有觀眾中途離場... 其實昔日The Thing都有此情況，但最後成經典... 但這套出事原因在於劇本...劇本改編粗糙，角色塑造斷開一截截： 雖然改編自小說，但劇本改得極唔細緻！角色背景同性格塑造完全係斷層——例如主角究竟因咩事咁討厭母親？不出席婚禮嘅原因係咩？若果丈夫係佢所愛，給她新生之類，點解又要偷食？而嚟到臨尾，女主角一家到底邊度嚟嘅勇氣敢去面對面進行 boss fight？動機同鋪排嚴重不足... 甚至出現斷層。又或女孩神反咬其實前後不一致...恐怖氣氛斷裂，怪物設計毫無新意： 電影本身反其道而行，一早就將怪物 Other Mommy 亮相，但露全相之後完全冇新意！多手多腳嘅怪物造型喺《Resident Evil》2026（惡靈古堡）早就玩過；媽媽發瘋嘅橋段喺《Evil Dead Rise》（鬼玩人：復活）亦看飽了；甚至比起《Coraline》(2009)嘅泥膠動畫，呢套戲嘅怪物氛圍、層次更不如，顯得平平無奇。前者會不斷看見Mommy由細心體貼入微慢慢變異到大蜘蛛怪... 但這個是什麼呢? 雖則衣櫃有怪物這嚇小孩的故事不用多作解釋... 但也不能完全離地吧... 異空間太神完全冇解釋： 電影對異空間嘅設定簡直係「太神」，完全冇畀出合理嘅邏輯或背景解釋，令觀眾睇得一頭霧水。波波池變波波車我笑了...畫面說故事冇力度，過場生硬： 導演 Rob Savage 今次功力明顯不足，鋪陳營造氣氛不足，場面過場好似一截截斷開咁。例如女孩自己失心瘋走出結界嗰一幕，其實只要有一兩秒影佢喺萬花筒光影轉接中過場，成個畫面就順暢得多，點知拍得非常突兀。重要地方又是一輪咀對白... 失望又失敗...暴力鏡頭極度有限： 作為恐怖題材，暴力同血腥鏡頭拿捏得太過保守，爽快度大打折扣。不合理位變笑片，選武器如虐兒： 片中好多邏輯漏洞令人睇到笑咗出嚟！舉個例，一家人揀武器對抗怪物嗰幕簡直係瘋了，竟然畀個極度危險或者不合常理嘅武器畀孩子？呢種安排完全好似虐兒咁，令原本緊張嘅場面直接變成笑片... 整體嚟講，《Other Mommy》雖然有 Jessica Chastain 同 Arabella Olivia Clark 和小童星嘅出色演技撐場，但改編劇本嘅粗糙、節奏嘅斷裂同導演 Rob Savage 喺氣氛營造上嘅功力不足，令成套戲淪為一部雷聲大雨點小嘅平庸之作。總之又一套浪費演員系列...大家睇咗呢套《Other Mommy》未？你哋覺得 Jessica Chastain 演得好唔好，定係都覺得一家人選武器嗰幕太爆笑？歡迎喺下面留言話我知！ 記得 Like、Share 同 Subscribe 我個 Channel，我是 Wild Wildy，我哋下部影評見，Bye Bye！

因為Jessica Chastain而入場，到最後一如所料，佢都係唯一看點。已經唔記得呢套係近期第幾套戲係純粹賣演員，故事一無是處、剪接零碎，作為恐怖片驚嚇位欠奉，劇情九唔搭八，勁散亂，無頭無尾，靚妹又唔係好演技，但最多場面係佢，非常失望。

畀threads啲marketing呃咗入場睇 cls我正式宣佈threads係新一代嘅19新假期🙄🙄🙄吹到乜野成套戲有50個jump scare位 屌你成套戲就算係計jump scare都數唔到10下出嚟！！仲要勁多都係勁滑稽嘅九唔搭八驚慄又唔係恐怖又唔係血腥又唔係嘅白痴位溫子仁我對你真係好失望 明明以前你拍the conjuring/ insidious 呢啲真係睇到人不寒而慄而家自從搞個詭屋宇宙出嚟就越拍越梅 果啲咩詭修女（由其是2）真係睇到把鬼火 溫子仁呢個朵變咗爛片保證咁 嬲到爆！！未入場睇嘅 真係可以上一頁去返揀第二啲戲嚟睇 未睇生化危機嘅話我真係極力推薦你轉場去睇果套 睇都可以考慮睇吓嗰套咩拾荒法師 雖然港產鬼片質素好參差 但係起碼唔會好似呢套咁200%係爛片呢套嘅水平就係backroom之流但係純粹多啲對白同埋特技真係救得一個得一個！！

完全係有頭威無尾勢，頭嗰15分鐘都算有啲嚇到人，但中斷開始九唔搭八，開始越睇越失望，完全冇劇情，極度爛尾，真心話呢套戲入唔入場睇到爆

本片全長只有93分鐘， 導演由開場到完場不斷加入驚嚇鏡頭，即使如此，都無法挽救劇本極度薄弱、不連貫的節奏、過量浮誇CG 特效、荒誕劇情、還有令人討厭的角色設定（特別小演員），這些全部都讓電影敘事變得越來越令人看得煩懨，而非真正恐懼。最後, 有影后坐陣也無補於事⋯⋯可惜。