女子監獄

一路睇一路出現熟悉嘅面孔, 亦有久違了嘅藝人, 雖然唔係個個都係當紅大明星, 但亦算卡士不俗, 有點驚喜, 尤其見到資深藝人李影。可惜故事薄弱, 感染力唔強, 亦不斷有唔合理劇情, 又係要無視先可以睇落去。最大敗筆係個個女監犯都仍然係以靚女樣示人, 全部長頭髮, 有髮型, 劃哂眉, 完全唔似女監犯, 冇說服力, 令觀眾入唔到戲。唔似以前監獄風雲果啲大咪咁惡型惡相。本片應該加番啲類似魯芬咁嘅演員先會有番啲感染力。

其實呢套前段同後段有d似監獄風雲，監獄內派系爭鬥，先係埋堆，做大自己再同人談判，和解後共抗外敵，最後開大片都睇得夠爽。只係中間感情部分有點失色，太拖節奏同埋唔夠感人。佢傳達嘅信息係大家都係普通女人，希望以和為貴盡快出獄，但實際上事與願違，中間對各角色做果d"訪問"有少少出戲。4.4/5 (87分)

劇情一忽忽，完全接唔埋，眾人演技奇差，一星俾吳家麗，唯一順眼

單看表面陣容，有阿嬌、周秀娜、吳千語和陳瀅，說《女子監獄》集齊香港歌影視三路一線花旦亦不為過。但偏偏在如此豐厚的陣容之下，《女子監獄》交出來的作品卻叫人大為失望（嚴格來說其實並沒有失望，因為本來看完監製的名字已經不抱希望）。《女子監獄》連最基本的故事也未說好，剪接雜亂，每個角色的關係變化莫名其妙，感覺上電影純粹想快刀斬亂麻，無端白事製造一堆衝突去填滿電影時間。其他詳細影評，歡迎來到爆米花族的世界參觀： Ig：popcornmoviehk

#ka姐不入監獄誰入監獄 早於2019年影展亮相過電影海報，先勿論電影質素，陣容之強大已經相當有睇頭，主題曲更有天后級容祖兒操刀，不過在香港一直上映無期，甚至大刀闊斧地刪減到約一小時片長到大陸串流，哪怕內地劣評如潮，我作為港產羅賓漢又怎會被嚇怕，當然買票入場。 香港院線上映版本為88分鐘，比起內地串流足足多了約半小時，88分鐘內在要盡訴前段角色介紹及當中的矛盾、中段的整頓監獄黑市買賣、後段和好並合力對抗壞份子，已經顯得相當倉促，卻遑論只有一個小時的片長，難怪內地評論不受落，根本難以構成一個完整故事。 重新將重點放在香港上映的版本上，承上由於片長限制了劇情的發揮，角色上矛盾上的生成及化解都只能在彈指之間發生，將情緒的推進跳過得一乾二淨，實在教人摸不著頭腦，幸好電影為女子監獄，足以力證女人的心情比天氣更難觸摸，實在無法為劇情找上更好的藉口。 - #強大演員陣容 不過說實話，我入場前期望值的確為零，但成品比我想像中要好，可能因為每一個演員都交足功課，尤其陳庭欣擺脫斯文一面，滿口髒話大咧咧的性格更來得相當自然順眼，近年北上搵食的阿嬌亦比以往偶像劇的演技進步。 總結而言入場看強大陣容倒未感失望，不過劇情上的確令人見笑，但又未至於去到內地劣評級數，未知要迎合內地口味，總要硬塞親情生離死別再洗心革面的老掉牙劇情，我入場本期望看到女人間的勾心鬥角及打架的場面，最後還是蜻蜓點水帶過去。 最後值得一提的題外話是《女子監獄》的確相當亮眼，亮眼在於各美女演員的臉蛋，即使身在獄中妝容都相當可觀，比起輪更的版主精神得我，而男人的鏡頭的確於少一分鐘，相當點題，仍意外地看到郭奕芯及陳欣妍的出演，粉絲濾鏡下即使本片未設傳媒場我都要立刻出文！

監獄可以扎辮 又可以染頭髮+90年代老土嘅開場白 劇情更加係痛苦中嘅痛苦 唯一可取嘅就係可以唔用腦 ，當笑片睇阿媽食麻雀嗰一場戲，今日係導演同編劇點樣諗㗎 ？不過網大，應該有人睇 其實題材吸引 ，加上好多年都冇原本係一個賣點 不過係咪真係可以搞好個故仔，同埋搵一啲識拍嘅導演？