奪寶奇兵：命運輪盤

在那新月的晚上，我聽回那熟悉的音樂。慶幸再看到你憂鬱的眼神；戇直的表情；幽默的說話；淵博的學識；和敏捷的身手。愛你的皮鞭和戴上帽子的模樣。我願跟你在一起，繼續尋找世上所有的寶藏。你雖已變了耆英，但仍是我心中的奇兵。

個人覺得套戲是不俗，導演無論處同執行也可以，雖然在劇情處理上是沙石處處，但滿滿的奪寶奇兵系列情懷卻可以彌補到。其實無論場面的設計、裏面的幽默同致敬位、以至約翰威廉絲這副經典神級配樂（他今次繼續交出極佳的表現，每一段配樂，無論鋪排同技巧也是依然精彩。可以細緻同故事節奏同推進完美地結合），也是令一眾睇開奪寶奇兵而喜歡的忠粉會睇得津津樂道。這方面導演是成功。但在獨立來睇，這套在故事處理上是未盡人意。故事角色之間磨合不夠順暢，很多位很模糊，不能好好去將故事好好發揮。而沒好好盡用安島機械的同其歷史背景（我覺得如果最後鍾是選另一個結局，感覺會更好），這樣的確有點捉到鹿不懂脫角的情況，這點是可惜。而今次的女角，在角色處理塑造同描寫上也是未乎理想。情況如上集沙拉寶夫一樣，好像只有福伯同丹麥影帝來撐，兩位今次也能交各自應有水平。PS：我頗覺得今次迪迪尼是刻意去抹掉上集的故事同人物。還有今次是沒片尾。痴·影·夢·藝 X 的專頁 https://www.facebook.com/ckwunmovie/

電影保持奪寶系列水準，當然福伯已届八十高齡，動作場面多靠電影特技了。加入古物女盗及小偷拍檔，算注入青春活力，两者不過不失，今集加入些老拍檔，可能導演覺得是時候懷念一下。故事內容加入多重時空元素，可能期望年輕觀眾入場，並讓電影題材擴寬了。相信福伯真係要掛靴了，若有下集，只是漫畫版或Al版了，奪寶迷不要錯過。個人相信，若干年後，電影角色多以Al創造。

《奪寶奇兵》知名度之高，已經是尋寶探險類電影的代名詞。這集大玩時空逆轉，過程是非常經典的尋幽探秘，並與反派對決的情節，不論是劇情跟動作戲都引人入勝。最後時光倒流的目的地更是讓我大為震撼！是一套十分精彩的經典作，希望呢個系列唔好就咁完咗。4.7/5 （93分）

奪寶奇兵5：命運輪盤我大學一年班睇第一集我退休差不多一年睇第五集對我哩啲Indiana Jones兼福伯嘅死忠嚟講哩套實話好睇架 不過五集比較起來 自然有高低 排名如下1. 約櫃 2. 聖戰奇兵 3. 命運輪盤 4. 水晶骷髏 5. 魔域奇兵第一三五集都對抗迷信古代魔法嘅希特拉第二集對抗印度邪教 第四集對抗蘇聯對於我哩啲歷史L嚟講 自然較喜歡二戰為背景嘅第123集啦有冇人可以話我知第四集做Indiana Jones個仔嘅LaBeouf發生乜事呀明明第四集擺明想搵佢代替福伯延續哩個系列但第五集已宣佈佢死咗 攪到Indiana Jones冇仔送終 晚境淒涼至於哩集出現嘅女版繼承人Phoebe Waller Bridge就唔係好掂啦唔夠靚 身手唔夠好 性格唔清唔楚初初講到佢好貪錢 盜寶於黑市放售後尾福伯踢爆佢應該唔係只為錢 但到散場都冇交代佢為乜至於特技同故事發展就好有第一和第三集嘅影子 對我嚟講當舊夢重溫啦 年輕觀眾就唔知受唔受喇睇住福伯八十歲都搏老命 演出仍然可人好感動但睇住佢同我都老態龍鍾 喺時候退落嚟啦我哋會永遠懷念你 因為你係神話或傳奇最後 我覺得福伯係應該留低喺古希臘陪住阿基米德以佢一個考古學家 古代史專家 冇可能忍得住唔留低見證歷史這對於Doctor Jones絕對係一個完美告別所以我真係想跳上舞台兜鎚打落Helena Shaw塊面度使鬼你咁多事呀Leave Him Alone. Indy belongs to ancient history!!!

跟住Dr. Jones去冒險, 絕對係樂趣！冇唸過福伯年事已高, 仍能跟住佢上天下海去冒險。可以咁講, 事隔咁多年重拍續集同埋揾返年事已高嘅福伯出山, 已經預咗係賣情懷, 唔會有太大新意, 只要拍得熱鬧精彩已收貨。我認為呢套片係做到嘅。全片熱鬧, 動作連場, CGI特技出色, 年青福伯能參演真係unbelievable! 故事亦都流暢完整, 加埋當年風格嘅配樂, 完全表現返當年奪寶奇兵嘅味道。當然, 呢啲只係一種回味, 未能超越當年經典驚艷嘅感覺。So far 只有Top Gun 2能做到超越前作經典果種嘅感覺。最後真係要向福伯salute, 咁嘅年紀仍然寶刀未老拍動作片, 真係有heart同professional, 值得尊敬！