憤怒鳥大電影 2

適合暑期一家大小去看，角色吸引，場面有趣。

如題，廣東話配音生鬼，美式懷舊玩嘢配樂出色

超級好笑 400彈差交通環保好用又有靚歌配合

一貫公式劇情，不過不失

Angry Birds呢隻遊戲細個嗰陣都有玩，不過老實講，我就吾係特別鍾意，但前幾年嗰套電影版係幾有新鮮感丶幾過癮嘅，所以當得知會出第二集嘅時候都幾期待下，等左咁耐，終於上映，緊係盡快入場睇啦。 睇完之後，我係覺得好睇嘅，角色有趣，劇情對比上一集就差啲，雖然套戲並吾係好好笑，但氣氛都幾歡樂，套戲大致上都滿意。 呢套戲嘅角色都吾錯嘅，男主角阿雄呢個角色都描寫得好好，佢自細就冇人理佢，相當吾合眾，所以當佢第一集救左鳥島，成為左英雄，受到眾人嘅關注，所以今次有事發生佢都會幫手，嚟到今集都吾例外，就算能力不足，但都希望成為英雄，目的只係想受到大家嘅關注，佢嗰種矛盾嘅心理真係寫得好好。女主角阿銀非常聰明，佢同男主角非常吾夾，但過程中佢哋嘅關係漸漸更好，呢對歡喜冤家係幾有趣嘅。而阿爆同阿查同上集一樣都係咁正。豬國王今次就決定同鳥島合作，化敵為友，有呢班豬隊友加入，效果相當吾錯。大反派就冇乜特別。而鷹神同上集一樣，都係最後先嚟幫手。同埋不得不提有幾個角色好搶眼，佢地就係bb雀，雖然佢哋嘅戲份好少，但真係好過癮。 今次呢套戲嘅粵語配音版，真係為套戲加左吾少分，真係配得好傳神丶好生鬼。喺配音方面特別想讚下馮瑩瑩，因為得知佢平時講野有好多懶音，而佢地配嘅角色戲份都吾少，相信配音嗰陣都有一定難度，真係辛苦晒。 喺Angry Birds嘅世界入面，鷹神係獨一無二嘅存在，畢竟鷹神係Angry Birds世界觀𥚃面唯一一隻鷹，但嚟到第二集，加上左吾少鷹嘅角色，鷹嘅存在喺Angry Birds世界觀入面吾再咁特別(畢竟隻隻鷹都差唔多樣，但吾係話吾吸引)，呢點有啲扣分。 總括嚟講，呢套戲係好睇溉，劇情一般般，角色都吸引，呢套戲都推介嘅，Angry Birds嘅粉絲就啱晒。