LEGO®英雄傳2

【我是睇英語版】以下是我對這套戲的評語：個人覺得套戲是不俗，繼續上一套英雄傳故事，的確如果是電影迷，裏面很多彩蛋可捉，今次華納買很多版權來配套戲（最估不到他連夢工場的侏羅紀系列也買（或者因基斯派特（因他是配阿墨）來刻意買））和以未日先鋒:戰甲飛車故事作背景。這方面個人覺得有驚喜。如果是樂高迷，這套中有小趣味，例如玩編號（因每一副樂高有編號），而這套中有玩這樣。而故事設定上，繼續玩真人和樂高之間的串連。也是有趣味的痴·影·夢·藝 X 的專頁 https://www.facebook.com/ckwunmovie/

lego系列我第一次睇，裡面的世界帶我進入一個跟現實只有一點點距離，但完全不同的虛幻世界。然而這個故事帶給我們的是，相信別人，世界會更好。世上很多紛爭是源於敵對的態度，讓原本友善待你的人，由於你的不信任而變成敵對。俾5星主要係因為D歌，好似聽音樂會，洗腦歌好洗腦。配音都好正，應記一功。4.7/5 (93分)

lego變化多端，一齊玩開心啲，不用兄妹不和。

笑位爛透 真人轉接奇異最煩係細路仔戲 戲院好嘈

Lego上映過嘅三套戲都有入場睇，而我最鍾意嗰部Lego嘅戲就係Lego英雄傳，等左五年，Lego英雄傳嘅續集終於上映啦，緊係要入場睇啦。 睇完之後，老實講，真係有啲失望，對比第一集，水準真係差水遠，劇情就一般般，角色都ok嘅，畫面幾靚，整體表現就一般般啦。 第一集就講述男主角阿墨成為左救星，打敗左大總裁，拯救左世界，而今集就係講述一班配角俾外星人捉左，於是阿墨就要諗辨法去救人，同時又要阻止外星女皇嘅陰謀，喺第一集第一見倒呢個Lego嘅世界觀，真係會有啲新鮮感，但嚟到第二集，新鮮感真係好左，劇情同第一集比，真係普通好多，喺第一集嘅時候，有首主題曲「Everything Is Awesome!」，但吾會經常唱，但嚟到第二集，角色經常唱歌，唱歌嘅部分差吾多佔左套戲嘅一半，感覺就係劇本諗吾倒點寫，於是求其搵啲歌塞住先，而今集有過量嘅正能力，信息又過份hare sell，第一集嘅信息就大人細路都啱，而第二集嘅信息就遍向細路。 至於角色方面，角色都ok嘅，今集主要就係圍繞住三個角色嚟講，分別就係男主角阿墨丶女主角小野貓同埋新角色龍克斯，男女主角就透過今次嘅經歷而獲得成長，龍克斯呢個角色都幾型嘅，背後嘅真相都接受倒，都覺得合理嘅，而上集嘅一班配角（蝙蝠俠丶太空人賓賓丶鋼胡子丶獨角貓)今次嘅戲份就少左，發揮機會都少左，真係有啲可惜，不過佢地今次嘅表現都係咁好睇嘅，新角色外星女皇感覺就好有機心，佢唱歌就唱得太多啦，如果唱少啲，表現就應該會好啲，外星將軍都幾好睇，去到最後一班奸角有個轉變，感覺就真係有啲人牽強。 最後有一點想讚嘅係，粵語版配音配得好好，對白寫得好好，不停抽水，夠抵死，夠過癮，真係幾好笑吓，今次粵語配音掂呀。 總括嚟講，呢套戲同上集比，水準就差啲，劇情就一般般，但勝在畫面幾靚，都好睇嘅，呢套戲都推介嘅，Lego迷就啱晒啦，但就吾好抱有咁大期望啦，如果吾係嘅話，期望越大失望越大。

我一直以來都喜愛2014年的《LEGO英雄傳》多於其餘兩部外傳，因為其故事終局有出人意表的發展，聰明利用LEGO傳遞它在現實世界中對人的意義，並非只是一部品牌宣傳電影這般簡單。《LEGO英雄傳2》緊緊跟隨前作公式，不論調性、風格、表達方式和結構均與前作大同小異，執行上可謂四平八穩；電影的創造力可能失了點驚喜和革命性，但故事的深思猶在。本片更進一步與現實世界融合，再次以LEGO探索家庭關係，情理兼備，發人深省，我尤其欣賞它顛覆前作「Everything is Awesome」的主題，為歌曲賦予了更深層次和現實的意義，故事深度便比前作略勝一籌了。《LEGO英雄傳2》相當精彩歡樂，也秉承前作傳統，極盡自嘲調侃之能事，例如呼應超級英雄文化、致敬經典電影作品和流行音樂等，抵死幽默；單是電影結尾工作人員名單的設計，便能看出本片玩味甚高，充滿誠意和心思，也是少數除Marvel電影以外我認為需留待謝幕結束，才能完全體驗電影的趣味。如果觀眾本身對美國流行文化和配音演員的履歷有所認識，例如能列舉曾飾演蝙蝠俠的演員、對DC超級英雄有基本認知、看過一些經典荷里活老片等，就更能明白戲中對白以至情節設計的精妙所在，樂在其中。不過令我有點好奇的是，電影描繪的宇宙世界到底有着怎麼樣的設定，皆因在戲中的現實情境中，LEGO人竟有自由意志，能隨意活動，甚至引吭高歌，也讓常人所聽見，尤如活在《反斗奇兵》的世界裏，這兒則有點恐怖片的詭異氛圍，超出想像和失真；但作為一部動畫片，實在不宜深究太多：情節幽默惹笑，故事真摰動人，富有娛樂性；若果年初三要看一部電影，《LEGO英雄傳2》絕對是穩妥之選。評價：B+