劫券同盟

呢個師奶用Coupon用到要開部戲講，知佢咩料啦！.我響澳洲住果時都會個個星期留意住超市有咩減價然後入貨，因為真係慳唔少。但用Coupon用到變千萬富婆簡直係「在細微的事上做到極致」當然電影只供參考，大家切勿模仿。.電影採取雙線平行發展，師奶以第一身獨白，諗到條絕世好橋，同鄰居轉售非法得來的優惠券圖利，一夜致富，成為犯罪集團主腦但處處遺下罪証；另一邊有防止虧損專員名偵探上身，加上郵政督察加持，最終出動武裝分子，成功瓦解這宗過千萬美元的優惠券騙案！.其實電影以倒敘手法表達，觀眾開場已經知道這個「結局」，不過整個過程沒有悶場，劇情幾有喜感，戲中的「傳奇」人物以及充滿戲劇性的發展竟然改編自真人真事，絕對是在荒誕之中道出可悲現實。.Connie是個無人關注的競步奧運金牌選手師奶，她用優惠券變成病態，其實是因人工受孕失敗以及背負債項的精神寄託。Jojo的黑人身份加上曾被盜用身份，莫須有的罪名令她生活並不好過。兩個犯人並非十惡不赦，反而止蝕專員Ken做好一份工也不見得是成功人仕，甚至覺得他的行為態度比「犯罪集團」主腦更病態。電影同時亦帶出國家「文化」，FBI，大財團，以及普羅大眾眼中的優惠券價值，最終判決結果亦看出司法制度根本得啖笑，但我覺得重點是戲中對中國製造的評價！.我幾喜歡這種充滿反思空間的議論性電影，不過整體又未至於極佳作品，就是有點兒嬉的小品。.Watch the pennies, and the dollars will take care of themselves..觀影平台: 星影匯.IG andymyf/ #AndyMovieReview

輕鬆小品，冇想像中咁好笑，不過都啱一家大細冇嘢做睇吓

竟然有coupon專家，又居然會美國郵局勁過FBI。

#題材可塑極高唯未能發揮到極致 Coupon為主題的電影，光是一眾女士為了節省金錢而花盡心思用Coupon已能成熱話，更何況加插犯罪原素，無疑能推上為新穎的喜劇。映前我是無限個期待對於Coupon的情節，因為我本人是一個非常愛佔小便宜、持家有道的小女人！說這些也只是想表達Coupon這種貼地的元素很容易為觀眾帶來共鳴感，但對於如何物盡其用等卻比我預期中的少，只是單憑幾個片段就帶過用盡方法使用Coupon去節省金錢，除了剪報紙及投訴客服，並未見新意，若加插多元的省錢方法，例如強行搭上一個陌生人為求買二送一，卻不把省下的錢分給對方，想必在劇情豐富性及幽默氣氛都能更上一層樓。 因為電影是以喜劇為根本，所以邏輯性欠奉的地方就無謂考究，我倒是欣賞導演想到「Coupon」與「犯罪」兩者間的關聯繫，再由主角Connie（ Kristen Bell 飾）的人生觀作出變化為貫穿，以一個輕鬆的幽默喜劇去帶出女主沉重的思考，起了一個鮮明對比。 － #節奏明快具追看性 交代完Connie及JoJo的背景後，就直接論述兩位的犯罪大計，而且兩位犯罪新人屢次犯下無聊的錯誤，卻自以為很聰明，引得觀眾哄堂大笑。電影更分了兩條發展線，一為兩位女主的犯罪過程，二為Ken Miler的緝捕過程，兩條線共同進行，你追我躲，引起觀眾興趣，具追看性。

🌸🎟🌸🎟(劇透注意👁👁)🎟🌸🎟🌸兩個女子靠販賣免費coupons賺取幾千萬美金，無本生利，一夜致富，咁匪夷所思嘅事竟然係真人真事，完全刷新我對優惠券用處不大嘅睇法！事情極盡離奇荒誕，將之拍成喜劇，題材本身便有着先天優勢。而在執行上，導演嘅表現也不俗，分兩條線講述「犯罪」同「緝兇」嘅經過，交代清晰，有條不紊，令人好奇後續發展，亦期待兩者最後如何交集，甚具追看性。不過某啲場口拖得太冗長，有啲畫面更係重複又重複，如能稍作刪減，俐落一點就更好。作為一部喜劇，《劫券同盟》當然係笑料不斷，兩位女主角盞鬼有活力，金句百出；飾演防止虧損專員嘅大肥佬Paul Walter Hauser更將角色古板固執、古裏古怪嘅個性演繹得淋漓盡致，極為搶鏡！（化灰都認得佢係Richard Jewell (2019)男主角，嗰套真係愛不釋手。）故事嘅最後，每個角色都有所改變同成長，導演亦似乎想藉呢個故事帶出正面積極嘅訊息，勉勵觀眾，將作品提升至談及人生道理嘅高度。至於說服力是否足夠，就視乎你打從一開始認唔認同女主角嘅所作所為了。如果你同我一樣，始終覺得女主角只係用冠冕堂皇藉口去粉飾自己違法亂紀嘅行徑，無法苟同，看到最後或者會「水土不服」，覺得哪裏怪怪的。不過整體而言，《劫券同盟》都係一部題材有趣、演員演出精彩、輕鬆搞笑嘅作品，可以一看！P.S. 電影有細威Serena Williams「客串」，最近睇完《王者世家》的都會會心一笑吧 ↖(^ω^)↗💬 “𝐘𝐨𝐮 𝐤𝐧𝐨𝐰 𝐰𝐡𝐨 𝐠𝐞𝐭𝐬 𝐫𝐞𝐰𝐚𝐫𝐝𝐞𝐝? 𝐏𝐞𝐨𝐩𝐥𝐞 𝐰𝐡𝐨 𝐝𝐨𝐧’𝐭 𝐟𝐨𝐥𝐥𝐨𝐰 𝐭𝐡𝐞 𝐫𝐮𝐥𝐞𝐬.”- - - - - - - - - - - - - - -#影迷女生的電影札記IG : movieholicgirls

★6/12晚看了🇺🇸西片《刧券同盟》（Queenpins) ，改编自真人真事的犯罪😂喜劇，觀後覺得整体相當不俗，幾過癮，娛樂性充足！👍🏼👍🏼👍🏼👍🏼★故事講生活苦悶的家庭主婦康(Kristen Bell飾）寫✉️信投訴一大集團的早餐穀物變🤮臭味，之後收到道歉信大兼🎫🎟️贈券，她和的好朋友Jojo(Kirby Howell-Baptiste飾）竟然將儲🎫🎟️優惠券的愛好，諗到籌辦一個非法優惠券集團，騙取大集團幾千萬美元💸💵💰..........................★電影題材頗新鮮&具追看性，故事簡單不算複雜，以犯罪者&執法者的鬥法來推動劇情，整体以輕鬆手法拍攝，節奏明快，有動聽的歌做🎵🎶配樂，😂🤣笑位不少，對白幽默鬼馬，最😂🤣好笑係A&G公司的「防止虧損專員」的肥佬（Paul Walter Hauser)的演出，片長111分鐘絕無冷場！👍🏼👍🏼👍🏼👍🏼★除了演🇺🇸美國👨🏻‍✈️郵政督察的雲斯域漢（Vince Vaughn)較為熟識外他擅於演😂喜劇角色，如[《冒牌伴即生擒姊妹團》（Wedding Crashers)(2005) & 戰爭片《鋼鋸嶺》（Hacksaw Ridge)(2016)] ，其他演員全部不認識，但不重要，因為每個演員都演得十分落力&精彩！💪🏼💪🏼💪🏼💪🏼💪🏼👍🏼👍🏼👍🏼👍🏼👍🏼★絕對可入場一睇，值8️⃣8️⃣分！👍🏼👍🏼👍🏼👍🏼