鈴芽之旅 (新海誠的電影世界)

二刷（2025年）觀後感——————-再睇都係覺得個「命定論」幾勁，感覺《鈴芽之旅》個劇情係最飽滿，真係做到想畫比311災民嘅勵志電影：「不管現在有多麼悲傷，今後還是會順利長大。所以別擔心，未來一點都不可怕！」新海誠災難三部曲排名我都係無變：你的名字 > 鈴芽之旅 > 天氣之子雖然我而家最鍾意《鈴芽之旅》嘅劇情，想帶比日本人，以至地球人嘅希望你話我左膠都好，真係希望任何電影都帶到愛比大家！（當然要好睇得黎唔可以太Hard Sell，鈴芽我覺得做到）以下為一刷（2023年）觀後感————————————新海誠話鈴芽係獻比受311地震影響嘅人們我覺得佢做到了，同做得幾好無論鈴芽背景、鎖門師、廢墟、返因地震變廢墟嘅故鄉、結合日本好鍾意講嘅神明、災害，全部都係講「地震」而且鈴芽嘅公路之旅每個人都好左膠地對佢咁好，非常大愛同有日本熱心助人精神、Love and Peace✌🏻，但既然要治療心靈，咁左膠都無可厚非😂最後結局竟然係繼「你的名字」後再玩返時間：老蘭天能式嘅「命定論」；發生左嘅事就係發生左。睇到新海誠又玩時空概念都打左個冷震，倒抽一口涼氣。不過硬Sale紅絲帶好似好突登，我開頭以為條紅絲帶係「你的名字」個女主角留比佢或者鈴芽直頭係佢地後代，最後原來係我諗多左。😏總結新海誠災難三部曲我排名係：你的名字 > 鈴芽之旅 > 天氣之子但其實我最鍾意天氣之子個對主角，為左愛情可以由個世界去死，角色描寫最鮮明今次鈴芽描寫就夠，草太嚴重不足，中間仲要變左張三腳凳拍拖（張凳點解三隻腳又無解釋）完全代入唔到鈴芽無左草太嘅世界要點生存！神明又無頭無尾，前面咁叛逆後面又咁乖；不過日本講神明不嬲係呢個風格，又唔太意外，都係男主角問題大啲同埋今次賣貓可恥😡有貓點可以唔睇

之前錯過咗入戲院睇，再次在上映當然入場觀賞，畫面靚到好似明信片一樣，再加上戲院的音響，整體更上一層樓，值得入場支持。

唔俾五星係因為冇我三年前第一次睇咁好睇咁震撼。但係都係正。