朝聖之路萬漫步

4.3⭐電影故事勵志、正向、輕鬆、流暢、暖心、冇悶場。男女主角背景各異，但同時各自背負家庭問題, 因緣份安排走埋一齊參加艱苦嘅"朝聖之路”。過程中遇到不同嘅人同事, 二人從不斷嘅互不信任、衝突中續漸建立起互信、感情，非常真實同暖心。電影對角色嘅刻畫細膩，兩個角色亦有成長。全片編、導、演、製作倶佳。絕對要一提係攝影, 拍出好多靚靚歐洲美麗風景/風情，令我唸起"4徑大步走“，欣賞電影之餘同時欣賞美麗風景。👍整體此乃上佳作品，發人深省，亦有治愈功能，值得入場！👍PS.• 電影題材對香港觀眾嚟講應該算幾新鮮• 其實人人都一樣，需要人愛, 需要人支持，需要人生方向/目標, 尤其未定性年輕人, 乜都冇就自然自我放棄

點樣handle一個素未謀面問題多多嘅少年犯 女教師真係有教無類嘅極致EQ低少少都唔得掂 男仔鍾意rap 字幕翻譯就出現好多得意嘅香港rap界歌手/組合譯名呢點真係要俾credit而且有啲粗口都譯得好大膽 。讚！呢條歐洲朝聖線沿途嘅靚景真係冇得輸第一次見到呢個戲名令我醒起廿幾年前成日聽到「漫漫長路萬寶路」😅

劇情比較平實，演員嘅戲比較合格多啲，我覺得微表情瀑布做得唔夠好，不過有靚嘅歐洲風景，善用遠鏡，所以補救返

個人覺得套戲出色我會形容，導演無論在角色塑造、故事舖排、畫面處理等，也交出好高的水平。其實這類型的片比較少，上一套應該是十多年前的 狂野行 Wild，他是行PCT，而今套是行宗教味較重的 Camino de Santiago - Camino Francés。導演在套戲的角色衝突處理好深，無論在對輔導員同叛逆青年之間的角色輪廓之描繪也好細緻，可以寫出各自的問題、他們在整個行朝聖之路之間所產生矛盾、衝突到最後互相產生的信任，導演的描寫均好細膩。當然，在畫面處理上，導演也處理得出色，他鏡頭下的朝聖之路的風光，他卻拍得好優美，每一個湖光山色同壯闊的山路，也令我目不暇給。其實作為一條讓各地天主教教徒透過步行來救贖、反思、洗滌​​心靈、靈性補贖與恩寵的聖雅各朝聖之路，再搭配這個故事，的確好有其感染力。痴·影·夢·藝 X 的專頁 https://www.facebook.com/ckwunmovie/

朝聖之路沿途風景秀麗，心曠神怡，洗滌心中污穢，難怪仁者樂山。男角自小失去母愛，活成一隻渴望愛的野獸，而女角婚姻失意，母女關係冷漠，情緒失控掌摑學生。两位關係不是一個教育和被教育，而是相互救贖。宣揚愛心，和助人有時係助己的電影。

如題，唔悶之餘仲幾有意義，一名犯下各種罪行嘅少年犯，改過自新嘅艱辛旅程，女主角亦在途中有所得着。最令人深刻的是末段，來自外界的歧視與誤解並沒有消失，但這個旅程早就超越了本身的意義。4.5/5 （90分）