他年她日

一套都算係穿梭時空(雖然同一個世界，但分成兩個時速空間)，意圖可歌可泣嘅愛情故事？但感覺上故事劇情都幾 flat ，男女主角愛情線欠激情，整個觀影過程都幾平淡。其實一年一日呢個設定幾特別，但係....對於男主角嚟講，幾十年大部份時間都係單思，但對於女主角嚟講，同男主角只係相處咗幾十日？而且重有部份日子男主角係18歲以下未成年，即係話對女主角嚟講同男主角只有十幾廿日嘅相處？而且袁澧林大部份時間重要做醫療工作喎！呢個時空交錯引致嘅茅盾，所產生嘅生理同物理問題，說服唔到我投入呢段"愛情"關係。角色/演員方面，個人認為許光漢長毛髮型唔好睇，角色設定係單純，可惜效果似傻仔，想像唔到袁澧林會鍾意佢。而袁澧林角色平面，演譯生硬，兩個角色/兩人演出擦唔出火花。而兩人角色造型、個性、背景、經歷都不足以說服到我佢哋可以相愛...最起碼視覺上說服唔到。不過全片拍得袁澧林幾靚，能抓住觀眾眼球。整體電影故事比較平淡欠激情，或者咁樣就係導演想要嘅淡然?PS.• 我睇嘅係國語版，配音電影始終情感表達會打咗折扣。不過電影包含港台演員，無論粵語版同國語版都會有配音，打折扣在所難免。• 許光漢長髮look唔好睇之外，重令我唸起黃貫中...我接受唔到囉~~！😩• 女主角兩個時區彈出又彈入，唔知對生理成長有冇負面影響？🤣🤣🤣• 有機會會睇多次廣東話版，再lun一lun個劇情，睇下會唔會有唔同感覺😅

《他年她日》講的是一個分隔兩地的科幻愛情故事，不尋常之處是，海岸一端的女主角安晴（袁澧林飾）的一日，等於彼岸薯仔（許光漢飾）的一年。有點像牛郎織女，有點「天上方一日，人間已千年」的況味。言前人所未言，是困難的事。沒有任何經驗可依可靠，僅憑一己之力天馬行空，做得到、做得好，自然收穫大量掌聲。反過來，不願效顰效步的下場，也有可能像樺加沙經過將軍澳海邊餐廳，滿目瘡痍，慘不忍睹。《他年她日》無疑是後者。故事結構鬆散，邏輯雖未至於混亂不堪，卻欠缺了讓觀眾投入其中的吸力。男女主角的愛情線平淡無味、乏善足陳。所有角色的互動，也看不到半點感人的火花，一次也欠奉。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

初頭以為台灣戲，揀咗國語，PK了大部份都係香港演員要睇返廣東話了劇情還可以，有啲科幻漫畫感令小弟諗起 天空之城，係有少少似的

個人覺得套戲可以。我會形容套戲在故設雖然有新概念，但執行卻沙石頗多。其實套戲的大概念如十多年前一套西片 逆天奇緣Upside Down ，只是逆是上下界，而他是左右，如這類片如拍得好，會好令觀眾好有共鳴，但這套卻無這樣，個人覺得主因可能是導演執行力問題。無疑，他在好多應該需要有力的場口，他卻好處理得有心無力同變得尷尬。而人設也是令套戲有所扣分。咁當然許光漢同袁澧林這副好吸睛的CP組合，今次的演繹，多多少少幫到套戲。痴·影·夢·藝 X 的專頁 https://www.facebook.com/ckwunmovie/

男嘅度日如年，女嘅度年如日，正如一個壞咗嘅時鐘每日都會準時兩次，兩個對嘅人就喺哩兩個啱嘅時候對上咗，一次男嘅13歲遇上28歲嘅女主角，一次男嘅29歲令28歲嘅女主角和自己相愛，可惜男主角就似Brad Pitt嗰套《奇幻逆緣》老得快過女主角太多，兩人註定相愛但不能相依相偎一生，結果一個用一生去惦念對方，另一個用餘生去懷戀愛人，本來可以好浪漫💕尤其男女主角簡直係一對碧人，許光漢係台灣金童，袁澧林係香港玉女，可惜電影設定太離地：地震後出現重力牆將世界分隔成長年區和優日區兩個不同時區！同講大話🤥一樣要有七分真至容易呃到人，浪漫都要腳踏實地，唔可以太脫離現實，如果改成無國界醫生去第三世界救援而衍生嘅故事，觀眾會較容易產生共鳴。（港產片《流氓醫生》就係浪漫得好踏實又兜踎嘅經典😱😱😱）完場後導演突然蒲頭，聲稱故事不是純愛情故事，兼及親情、友情、大愛和一啲觀眾可能睇唔明嘅寓意，歡迎大家散場後發問🙋但其實故事冇乜難明嘅地方，至於電影重點根本就係愛情故事，如果導演話志不在歌頌愛情，咁就係表達得唔好，偏離咗初心而傾斜向愛情，根本唔怪得觀眾「曲解」原意！我入場純粹因為電影海報很美，令我想起奧地利🇦🇹大畫家克林姆Klimt嘅《吻》，男女主角相擁纏綿，風光旖旎引人注目，如果我哋誤會咗，本片唔止係一部愛情電影🍿咁海報設計就唔應該誤導觀眾啦！（仲有，如果導演想又有愛情又言之有物，請參考李志毅嘅《流氓醫生👨‍⚕️》）