智齒

鄭保瑞導演回歸暗黑暴力美學，即刻睇返佢好拿手嘅暴力情節及場面，整套戲絕對係劉雅瑟既個人表演，由頭帶到尾，整個故事段落由佢既墮落、不安、補償、被侵犯、歇斯底里、到最後都釋懷唔到自己嘅罪孽，整體表演極難拿捏，劉雅瑟可以未太浮誇地演繹出來，完場後都有一種替佢不安嘅感覺。整套電影真正充滿香港特色，舊香港、橫街窄巷、可以拍到觀塘咁有美感；中環街市似的變成地下感強嘅差館；極度污糟嘅垃圾觀塘裕民坊，不得不讚美術團隊嘅高水準質素，將香港變成好唔香港嘅一個悲慘城市，後尾更有Sin City既感覺，所以黑白畫面唔係冇原因，係一變黑白，成個風格型格及故事帶出嘅悲情城市感一下子強烈呈現出黎。電影多呈現香港極具特色嘅地方，斜坡既追逐戰；後巷嘅捉迷藏；陰沉嘅停車場，好耐冇睇過有咁多香港元素既電影，投入度大增。電影題材冇想像中沉重，係講救贖、放下、執著，做人係好難，每日都發生咁多事，每當發生不可忘記，不可磨滅既事，真係唔係話放低就放低，忘記就忘記，每個人都有佢嘅執著，條氣唔順又好，相信報應又好，適當的時候懂得放下放低執着，對別人對個世界對自己都會好過啲。

千祈唔好俾trailer嚇親唔入場。入場睇就知係有誠意，有深度之作。美術造詣極高，男女主角好帶到觀眾入到佢哋內心世界。見到sorry sir會乸住乸住。女主可能會有機金像最佳女主角，雖然我唔係幾想最佳女主角俾中國人攞，但佢有資格攞

不是只賣弄暴力，劇情和各主角發揮不錯，絕對係有心機嘅港產片！

唔劇透喇，整體上係好睇嘅！但感覺而家呢個版本好多細節唔清唔楚。記得睇過某訪問，好似話最初版本係三個鐘嘅。期待可以喺大銀幕睇到 Director’s Cut / Full Version.Note: 1.有人話希望睇彩色版，個人覺得黑白先出到劇中深沉嘅感覺！2. 如果你正在情緒低落，最好唔好入場睇！

拍出裕民坊的頹廢美，留下最後回憶～每個主角都承載著對命運的不屈，男主角的智慧齒脫落就如頓悟睿智。

真係好精彩，好好睇，好大機會係2021最好睇嘅港產片。劇情緊湊緊迫，拍攝剪接都好perfect，演員個個入戲… 唔係話冇瑕疵，但係已經夠畀五星。