教父冇限耆

個人覺得套戲不俗，導演無論執行同處理也好，雖然裏面的笑位的確好好笑同好政治正確（其中水上飛天鞋同晚餐這段最好笑），但故事主軸的描寫一點也失色，導演的著墨同描寫很明確同拿捏得好，可以細緻描寫出父子或父母對兒女的之間的情懷，是一套好合父親節睇的片，這方面導演的處理的確是不錯，咁當然由這樣而衍生出的笑位也是獨到。咁當然羅拔繼續可以交出上乘的演繹功架，他這樣喜感拿捏處理的確手到拿來。如沒他這樣處理，套戲未必咁好睇。痴·影·夢·藝 X 的專頁 https://www.facebook.com/ckwunmovie/

一貫家庭温情輕鬆小品, 一般格局套路, 不過演員演出不俗, 故事編排亦流暢, 輕輕鬆鬆個半鐘, 都係一個唔錯嘅選擇。

男女主角家庭嘅生活同價值觀好唔同，有好多鬧劇出現，但劇情逐漸入正題，成功營造出感動位。4.3/5 (87分)

中文片名太爛 唔想提Robert De Niro不是第一次演怪獸家長 自然駕輕就熟Meet the Parents, Silver Linings Playbook, Dirty Grandpa同埋哩齣簡直就係脾氣 習慣 行為 思想邏輯 倫理道德觀念都古怪嘅定型/典型哩類電影都貫穿咗一個主題 就如本片格言「家人唔單止重要 家人簡直就係一切」只要出發點係對家人/子女嘅愛 所有古怪理論 家規 觀念都係可以接受嘅不過請大家記住前設係「出於真愛 為對方利益著想」否則父輩提出嘅一切要求都照做 就係愚孝我接受唔到將三個南亞小妹妹焗死嘅人做「母親」更唔會認同蔡天鳳前夫家庭成員係「家人」講返電影 只係輕喜劇 可能香港同美國文化有差異笑料唔密集 間中微笑 但唔爛唔太胡鬧 小小溫情咁啦唔睇冇損失 睇咗輕鬆下 不妨一看電影貫徹近年荷里活流行價值 種族平等貴族平民通婚 英格蘭與西西里移民後代聯姻 甚至黑白配好鬼造作 為做而做 政治正確大於一切 結果冇矛盾就冇埋火星撞地球嗰種衝突式爆笑大大減低咗娛樂性最後 Robert De Niro係我最鍾意嘅荷里活男演員（沒有之一）不過以前佢最紅嘅時候 一兩年至有一套戲而家老咗反而一年幾齣戲 密集咗勤力咗 直情係搏老命點解唔退休 唔抖下 唔頤養天年呢因為幾年前臨老入花叢 遇上心機女離婚要賠天文數字贍養費於是被逼搏老命 否則同Nicholas Cage一樣堂堂奧斯卡影帝 敗光身家 要宣布破產於是近年嘅佢冇得揀戲拍 乜鬼劇本都接演技搭夠低成本製作 人仍然好戲但聲望下滑拍戲只為片酬 自然再返唔到攞獎嘅高度啦真係衰收尾 晚節不保 所以大家要小心 不要恃老賣老 臨終不能善守

兩邊不同背景的移民家庭。雖然都好大路橋段但套在冷面笑匠 Robert De Niro 就更加好笑。男主角 Sebastian Manisalco 父子之間的代溝深有同感。有種「家長日不想父母在老師們面前，一五一十透露自己的事」的情況，在戲中則是男主角不想阿爸在親家面前出糗，但又要為了取得祖傳戒指來求婚，逼不得已帶上傳統父親去未來媳婦一家的度假村過國慶周玩。主要發生都是渡假屋，但好幾段衝突位都好有「考驗」。好似作為髮型師的阿爸幫親家奶奶「稍微」修剪一下，以為會令本身惡化的情況變得更差，豈料將錯就錯，令對方事業更進一步，未來媽媽更喜歡阿爸；又或者另一幕阿爸決定親自下廚（畢竟那有錢付餐廳）回謝親家，跟阿仔坦白食材來源，可能會 *嚴重影響雙方關係時的解決過程都令人深刻。富裕親家方面都各人角色鮮明。好似寵壞背後財力支持的女兒父母。大哥是家族接班人，識得人情世故；細佬就古靈精怪，究竟估他有沒有女朋友。男主角未婚妻事業線就比較少趣，還好不算重點。整體情節都比較易估，不斷累積不和矛盾然後一次過拆掂佢。搞笑也很快就拋諸腦後。成套戲的確能引人笑到最後無負擔，完美解決結得成婚。

年事已長的羅拔迪尼路，近年演出多齣「無限耆」，給觀眾帶來歡樂， 以為會是鬧劇的父子親情電影《教父冇限耆/About My Father》，今次演的是個草根老豆沙寶，兒子斯巴頓卻愛上了富二代藝術家女友，兒子在度假期間欲向女友求婚，逼住要帶老豆見未來親家，又恐防父親節儉的作風會令自己在這個假期中失禮，經歷幾番考驗，反而父親一一為他拆掂！更得到親家的接納。電影以富有及節儉兩種極端價值觀作為題材，引發衝突，劇情惹笑，笑料頻生，不用帶腦而又睇得過癮，老少皆宜的溫情電影，讓觀眾輕輕鬆鬆的渡過半小時。