急先鋒

成蟲故然形象低落，講返電影其實都真係好一般，劇情簡單，沒乜人物交代，純粹賀歲片輕鬆唔洗諗野，特技差勁比預期差，打鬥亦失色。

這套電影原本是放在農曆年上映的，但由於疫情關係拖延至今年國慶才上映。整體來說，以華語片來說，這是一部大製作，故事雖有少許反駁，但還算緊張及不胡鬧。但我認為此片太過刻意模仿荷里活大片嘅模式（例如狂野時速系列及職業特工隊系列），但基於資金及技術有限，有啲場面出嚟嘅效果質素並不理想。再加上一啲過份嘅後期加工，令人覺得某啲緊張場面似一套卡通片多過真人電影，令人可笑。另外如果想睇成龍打鬥及動作，就唔好抱咁大期望，佢喺電影中都係作為一個輔助角色帶領電影嘅推進，雖然睇得出佢仲有演出動作嘅能力，不過大部分動作都交咗畀年輕演員去演，出嚟嘅效果都唔錯的，畀佢本人更加打得。成龍及唐季禮去到呢個年紀仲有心去拍一部高成本娛樂大片精神可嘉，不過有待改善的特效影響了整部電影，僥倖地呢部戲亦都有好多俊男美女，去唔同國家取景 ，補番以上嘅不足,作為消磨時間或者懷緬以往成龍賀歲片情懷嘅朋友可以一看。（50/100分）

蟹伯早場,<急先鋒>。通宵工作完, 想看套爽片；加上遇到一個哲學問題：「我是誰？我在哪裏？我在幹什麼？」所以, 去咗睇成龍大哥。（成龍1998年作品叫「我是誰」）電影一開始充滿過年的氣氛, 到片尾全體仝人一齊同觀眾講：「恭喜發財」來拜年, 就確認這本來是一套賀歲電影。只是遲了八個月上畫。（肺炎嘛！）將定位回到賀歲片, 本片是合格有餘的。有追逐有打鬥有飛車, 主角們最後全部安然無恙, 皆大歡喜。（特別要讚的是用廣東話配音）但入場睇成龍大哥, 觀眾當然係想睇真功夫（成龍今年66歲）。我當然不會奢求六十歲的老人家去跳樓（戲中也有個gag自嘲）但戲中實在有太多太多的人工修飾（包括CG和整容）, 而又非常着跡, 實在令觀眾不爽。除了開首一幕在餐廳內, 是成龍當年招牌式的打鬥之外（唔係成龍親自打, 係兩個小鮮肉上陣）之後基本上變成一套軍事電影, 你就當係「黑鷹15小時」+「紅海行動」。好唔好睇見仁見智, 但我就覺得為咗政治正確, 將一班明明是軍事化的戰鬥部隊, 說成是私人保安, 未免太夾硬吧？我的蜜糖, 你的砒霜。今日入場嘅人數不算少, 在我前後的觀眾都看得非常高興, 笑聲連連, 的確讓我回憶起當年新正頭睇成龍的喜悅。但當回過神來, 我又實在不能忍受, 電影內許多許多的反駁之處。所以, 唔好聽我亂吠, 還是自己入場觀賞, 話唔定你會遇上, 個人的本年度最佳電影。#蟹伯早場#急先鋒#成龍

唐季禮執導電影《急先鋒/Vanguar》，秉承過往成龍式系列動作喜劇電影，原本應該在年頭春節上映的，相信係受到疫情影響而致延期至現在上映，電影一如過往成龍警匪系列電影，演員換上了全新面孔，武打、動作、槍戰場面與拍攝手法，都保持著一定水準，當然成龍大哥都已經一把年紀啦，就算寶刀未老，都應有所保留，打戲就留返畀身手了得的年青人，不過武打情節仍然保持著成龍般的滑稽模式，劇情方面稍為薄弱，成龍飾演「急先鋒」總指揮唐煥庭，負責率領手下赴英國營救遭到僱傭兵組織「北極狼」綁架的中國富商，並保護富商女兒。但大場面頗多製作認真，古城槍戰、急流打鬥、瀑布驚險萬分，還有獅子撲人場面，國際保安公司「急先鋒」有如鏢局，隊員身手了得，最後在杜拜購物中心水族館內完成任務，打鬥場面方面，演員瞓身落力演出，高難度動作兼攞命搏。成龍電影定必保持固有水準，場面雖然熟口熟面但一定係搞得熱熱鬧鬧，亦係不惜工本嘅，定必有咁大搞得咁大，女演員被譽為「瑜伽教母」的母其彌雅亮麗搶鏡兼大騷養眼身材，製作模式依舊，循著成龍老式功夫片路線電影走，已無突破，但未至於差，相信仍有一班捧場客，想睇下其他新面孔，不嫌老土嘅…一看無妨。https://m.facebook.com/tigermoviesfever/?ref=bookmarks https://m.facebook.com/groups/157839185643505/?ref=group_browsehttps://opentalk.hk01.com/@tigermoviesfever/all

美顏加CG都掩飾不到年紀大動作慢

劇情好一般有點悶，睇到訓著。