我的英雄學院劇場版：You're Next

焦凍好靚仔綠谷都好型各個角色都好型真係好鍾意🤍❤️

如題，打鬥場面精彩又熱血，打就對了，劇情方面個反派就幾正路，但新出場這對男女幾觸動到我。4.6/5 (91分)

身為我英的忠粉，幾忙都要抽時間入場感受熱血但今次真的沒有很好看我還一度以為轉了故事線寫法之前喜歡看內外合作心靈相通互相補位的感動沒有一次不哭然而... 這次沒有

劇情無咩好講，依然係王道漫畫走向，個啲咩「你走先，呢到我頂」分開敵我手法依然存在，甚至成為傳統，每次睇親熱血戰鬥漫畫就會有嘅「傳統」。而戰鬥畫面都無咩好講，頂級！我仲要睇IMAX版，只會覺得睇到IMAX版我英嘅戰鬥作畫夫復何求？我英另外要睇嘅係角色人設，今集除左雜魚外三個原創角色描寫都ok，一場劇場版嘅時間黎講已經收貨。如果你係我英Fans都必睇，鍾意睇動漫就算無睇過我英睇IMAX都唔會蝕！

雖然有全部同學齊上齊落，但轟焦凍及爆豪出場時間亦都唔算太多，因為班小Boss太廢，兩位幾分鐘唔使已經解決咗佢哋⋯⋯

身為我英忠粉，真係好想畀4.5-5分。可惜劇情真係冇咁好。 先從劇場版角色方面講一講，新角色朱利奧喺今次劇場版帶畀我嘅印象並唔深刻，感覺就好似搭枱一樣。而另一位角色安娜大小姐基本上同主角團冇任何互動，同綠谷都只係講過半句，如果以第二套 活真弟弟同第三套洛迪比較的話，朱利奧同安娜簡直比下去。講返劇情，呢方面就真係麻麻，感覺好似打機去唔同地方，最後打大佬。最後想話嘅就係個人認為綠谷大大實力被削弱，正常以佢嘅實力，好快可以打完。 呢度就講一講有咩好，首先就係打鬥冇得輸，已經唔可以用精彩形容，所以睇我英絕對可以信任佢嘅打鬥。呢套劇場版就係送畀fans嘅禮物，有三巨頭合作打 Dark Might, 綠谷同轟焦涷嘅默契相當好，仲有爆豪嘅成熟，呢啲一直都係我想睇嘅畫面。 最後講一講片尾，其實我get 唔到，出現咗All for one 同埋死柄木，計返日本2/8上映，個陣第七季嘅大戰已經開始緊，咁show死柄木出黎都冇意義。 總括而言，你係我英粉就一定要入場睇。我雖然失望，但都覺得ok嘅，建議睇Mx4d