動畫版《秒速5厘米》+《秒速5厘米》導演訪問

第一次睇！亦因為真人版上映，所以先睇咗原作動畫版先。本片為短篇故事，分三集 - 桜花抄、太空人及秒速五厘米。與其話係三集，其實係兩集，因為第三集似 MV 多過似故事。我冇睇哂新海成所有作品，但一般都係關於愛情、命運、緣份、命中註定、時空等等。呢套都係。而短篇往往因片長關係，故事都唔會太詳細，只能青蜓點水，觀眾自行感受、想像同腦補。本作以短篇嚟講幾唔錯，故事本身簡單易明，唔太抽象。最重要係畫面靚到暈，取鏡/分鏡出色，美術效果細緻像真，令故事表達傳神，觀眾投入度高，入到戲。👍令外今次版本片末加入新海成及製作人員對談及解說，令觀眾有更深認識此作品，所以呢個版本值得入場觀看。PS.• 今次送果張A3 poster 幾靚• 主題曲好聽• 之後會睇埋真人版比較下• 背景美術真係好正，同我去日本街景嘅氛圍9成似👍

廿年前好細個所以冇睇開新海誠嘅動畫電影今日抱住朝聖心態去睇覺得故仔同畫面就算隔咗咁多年都唔會覺得老土呢嗰可能亦係日本經典純愛電影/動畫電影厲害之處今次重映附送導演訪問，導演嘅解說幾好聽佢講用火箭升空嘅畫面交代暗戀對象視線根本唔係自己身上，好殘酷又唯美有機會再睇埋《星之聲》和《雲之彼端，約定的地方》Btw, 今日上映第2日MCL長沙灣睇普通場已經冇海報派啦😹本身係想收藏吓張海報，睇threads講話好靚

畫功冇《你的名字》咁幼細，始終20年前科技冇咁好，但分鏡、實景取景還原、色彩、構圖都近乎完美，睇嚟新海誠二十幾年前已註定要做動畫大師了😱😱😱片尾曲同《你的名字》嗰隻一樣咁動人🥰曲詞俱佳，戲院燈光亮起良久，我仍然呆坐櫈上直至音樂停止🤣片末有新海誠20年後（2025）對《秒速五厘米》嘅回顧與反思，承認電影「由現在我缺失的部分完成」，即是人老咗情懷變咗拍唔返，亦覺得如果而家再拍，第三部分不會以一個music video作結咁簡短，即是可能囉唆到好似真人版咁，畫蛇添足狗尾續貂，佢同意應該好似原作咁留低想像嘅空間俾觀眾！真人版畫公仔畫出腸咁，無謂地加咗16年之約（還有女同事、太空館和館長），反而粗心大意冇交代貴樹同明里交往咗三年，一直有互傳短信（甚至喺分手後仍然繼續），分開嘅理由的確可以留白，反正已成定局，但凡曾經初戀而結不了果嘅，都知道（新海誠都係咁講）青春總帶着遺憾和無奈，貴樹唯有登上太空船飛向深邃、孤獨、寂寞而漆黑嘅無盡宇宙！（比喻、象徵意義上）故事既浪漫又該死的真實，都係用動畫比用真人去演繹較佳，因為有種抽離嘅距離感，讓青春記憶滙成嘅暖流淌過心靈時，當中悔疚嘅成份只引起隱隱作痛嘅迷惘。

依稀記得好多年前睇過新海誠嘅呢套作品，上年重新上映一系列新海映電影嘅時候，就唔到時間睇呢套，適逢今日係秒速厘米真人版上映，呢套戲亦都重新上映，梗係入場感受吓啦。我今日就調返轉，中午睇完真人版、下午再睇呢套20年前嘅作品動畫版，感受係深嘅，加埋有新海誠嘅訪問，係特別有感覺。一與導演所講，呢套作品唔完整、根本未完成，但正正係當年嘅佢先可以拍出呢套作品，而呢套戲都有佢嘅耀眼、吸引人嘅地方，係代表青春嘅作品同回憶，建議入場睇真人版嘅觀眾，都可以再睇呢套動畫版回味一下。

當年還是學生的自己，對《雲彼》印象深刻一些。廿年後再看，其實是相當青澀的電影帶有一絲遺憾與哀傷。還有就是記錄以前未有智能手機時代的生活感，那種因為火車誤點卻無法立即跟約定的人聯繫的焦躁不安，那些間接描寫真的很細膩。還有真是書信來往的時代，每天打開信箱的心情，真的不錯。再來就是果然很想念天門的配樂，聽著天門的Soundtrack無數次，重新在大銀幕聽著果然很感動。最後重頭戲是導演和主要製作陣容20年後的訪問，真是各種感慨。有機會之後再看真人版比對一下。