愛到世界盡頭

透過對話，將彼此關係與發生何事逐層披露，仍有些地方不完全透露，張力，壓迫力做得很好，很多地方都精心計算，但到最後都未能完全釋放，很流暢，平平無奇的對話正是焦點所在，傷害往往源自最愛的人！

節奏緩慢，但十分細膩。成套戲得幾個場口，講嘢比較多。如果喜歡文藝片，可以一睇。

電影運用超大量特寫鏡頭，故事角色為芝蔴綠豆事由頭嘈到落尾，出來的效果令觀眾感到極度疲勞。所以，導演其實好成功咁令觀眾深刻感受到呢個家庭有幾咁撕裂，撕裂到連觀眾都辛苦埋一份，離開戲院後果種攰嘅感覺揮之不去。至於電影班底，都冇乜好解釋，電影無論配樂/色調/題材/鏡頭運用/對白/服裝/場景都充滿著導演xavier dolan一向的獨特個人風格，真係唔睇簡介都估到套戲係佢拍出黎;而演員班底就屈機地集合左一大班法國影帝影后,演技表現根本冇得輸。呢套戲係一個大膽創新嘅嘗試，導演將特寫鏡頭運用同爭吵戲推向極端，係前所未有嘅觀影體驗，但就未必係一般想睇戲放鬆下嘅觀眾嘅理想選擇。所以鍾唔鍾意呢套戲，好視乎你欣賞創新，抑或著重娛樂性。這亦應該是電影深受康城評審團和法國影評人喜愛，在康城和凱撒獎都有所斬穫，卻居然遭美國影評人唾棄的原因。

以下是我對這套戲的評語：我覺得套戲是不俗，薩維今次處理是獨特而很中，今次他以大量超近鏡來捕捉角色之間的情感（這種近法是連演員的臉也表露出來），而這種處理的確可以令套戲有著張力。加上一些遠近鏡的交錯效果，令套戲感覺和一般的戲不同。這樣又反映薩維在鏡頭處理上的天賦（上次慈母是玩1：1畫面和闊度）。而故事是一個家庭一餐飯中互相了解的故事，各人也有自己的問題，而在這餐飯中爆發而最後又能修好的故事，老實如果喜歡睇面部表情的人來說，這套可能是經典，因薩維這種捕捉方式的確能演員的演繹更有力，而這種處理方式是在商業片很少有。PS：講真我睇了薩維導的兩套（慈母和這套），我更感覺他是藝術片的明日之星，但康城太快比評審員大獎比他（當年首奪時和是和法國大師尚盧高達的 告別言語 Goodbye to Language一同獲獎），令這套在上年康城被人批評。反而我更喜歡他演的戲，其中我最喜歡他演精神病患者 愛的幻象 Elephant Song

愛登士家庭，愛生事阿哥；電影中說弟弟有絕症，實情上是佢阿哥有重病，神經病，變態⋯

男主角除咗靚仔之外，佢嘅演技都叫做慢慢有進步，尤其講佢同佢阿媽嘅交流衝突都好有戲。