取「西」經

有時你叫另一半去改，佢話好，但冇改到；你又叫佢改，佢話有認真諗過，但冇改到；你再叫佢改，佢話俾D時間佢，跟住經過三日repackage第四日就打回原形。然後，佢竟然同你講：「不如結婚囉！」呢套戲的主角就係一個如此九唔搭八，你嬲唔落但就永遠恨佢做野唔到位的人。故事講述一對拍拖多年嘅情侶，男的求婚，女的突然爆seed話唔得，原因竟然係因為男的房事不滯，結果男的發奮圖強出國深造，搵個舞孃去教佢「造」人嘅道理。單是劇本已經想像到係一部可以發揮頗大嘅電影，但導演竟然以愛情小品形式處理，結果應有嘅高潮位、爆笑位皆變為《日落巴黎》般的講講講講講，輕輕的帶過，沒有觀眾腦海中向西式的笑點（時下港人一見到個「西」字就自動諗起一路向西），亦冇探索到讓人反思嘅感情世界。全片的energy level很低，床戲很低、鋼管舞很低、出軌很低、情感戲很低，睇睇下你會開始想像到加拿大冬天時漫天雪地、得一棵樹、間中有一個人好慢好慢好慢的行過嘅場境，周而復始。我未去過加拿大，但一部加拿大電影讓我走過浮華加拿大嘅地，這就是電影嘅威力。看畢電影，總覺硬係差左D野，感覺就似你去譚仔，已經一碗都係餸了，但你竟然叫清湯，何苦呢。

評分：4.2/5、評級:A-(A+為最推薦，E-為最差，4分以上將有機會成為本人推薦之作)一部談論兩性溝通的浪漫喜劇當中也探討了當代社會對LGBT的接納和了解。當然結局真的很浪漫。

套戲如果定位係三級同sex有關既愛情電影既話我略嫌呢套唔夠放好多位都係點到即止睇得唔係好過癮

又唔係好笑，又唔係愛情小品。兩頭唔到岸。2星係俾個女主角露毛。

呢套電影雖然係三級片，其實完全不色情，劇情啜核抵死，簡直笑爆，結局合情合理。

好多教學。敎人積極正視問題，掛住好買嘢逗自己開心只不過係逃避或填補空虛。結婚對象最好係知己？不如話要彼此了解，要有feel, 可互補不足就更好！