無限復活

24年後先睇，月光寶盒穿越愛情二次創作，劉鎮偉喺冇周星馳cast都可以做到西遊記黑玫瑰東成西就gag，張柏芝天才級演技，唔怪得係評論學會推薦電影＆提名最佳篇劇。（張poster都好趕客吓，唔知有冇啟發到2021Palm Springs戀愛假期無限Loop）其實條愛情主線係好後先develop好短好弱，係用賭同穿越支撐成個劇情，同用捉姦+禽獸理論+穿越緣分+半珠耳環嚟合理化條愛情線，同西遊記一樣。冇周星馳，劉鎮偉一樣搞到笑，（佢攞住王祖賢劉嘉零馮寶寶梁家輝都搞到笑）唔怪得劉鎮偉係少數周星馳會畀面嘅人。基本上劉鎮偉靠劇本對白玩概念，對acting感情比較唔重視/弱，所以咩演員（就算係鄭伊健）佢都用到。正邪伊健對打，呼應VIP賭枱上Jesus vs Devil。（所以Jesus都係長頭髮，仲有啲似老咗嘅鄭伊健）穿越咗去另一個平行12月28嘅cp又會點呢？（如果講埋就好啦）嗰個柏芝失去咗有感情嘅伊健好慘，定還是伊健回復本性有得發展？但嗰150萬又難搞，可能搞唔掂劇本（尤其90分鐘內）索性唔講。