明日戰記

老老實實我真係為咗支持香港科技電影先入場支持，仲係睇IMAX添，但本身我自己麻麻哋呢類片嘅。科技大片都唔預佢會有咩劇情，都係英雄救地球嗰d，畫面係豐富嘅，appreciate老闆肯放咁多錢投資，呢張IMAX飛錢我願意俾

很久沒入戲院看電影，今次一家人看是值得大家入埸。。 電影節奏相當快絕無冷場，CG 特效以港產片來說給你驚喜。

劇情就冇咩特別，但特技唔錯，過程夠刺激流暢，爽片夠爽就得。最要讚係三位主角戰鬥風格都有d唔同，由其青雲紅眼加鍾意用斧頭黎做個分別，再搭個機動力低重炮手，夠晒日漫感👍睇完即刻考慮訂主角2隻ht玩下。

始終係屬於香港嘅科幻片，在情在理都好應該入戲院支持一下，以睇咁多年科幻片嘅經驗，呢套電影無論故事情節、鋪排、特技以及人物角色好多都似層相識，因為好多位其實喺以前嘅科幻片都時常出現，觀眾一定見慣見熟，而所講嘅香港景始終唔算好突出，只係做出嚟嘅感覺都係似大陸，有時都好難代入到，最記得係行車天橋嘅追車戰，其他真係過目即忘，因為睇得太多。例如著左盔甲後都係iron man模式及畫面；機械人打鬥場面動作設計似Transformer；城市設計似攻殼機動隊，連人物設定都太過公式化，一個自大一個有義氣一齊出生入死一個衝動一個小鮮肉，對白大多都好表面，唔能夠令角色更立體，或者因為個劇本太爛，演員角色發揮有限。故事真係太爛，劇情牽強及空洞，冇頭冇尾，將超級英雄電影及喪屍片左抄右拼，合拼後就變成香港呢套科幻片，醫院個Part其實有啲離地，驚嚇不足而又估到劇情點發展，變咗怪獸片但又著墨唔多，之後更加係冇再發展落去，主角光環更係點都得，唯有不要認真只有支持。我覺得有港產科幻片係值得驕傲嘅事，但可惜之前太多珠玉在前，我當唔好比較特技，淨係搞好故事其實已經好足夠，我更加冇當呢套係港產片，戲入面嘅所謂香港元素都係得啖笑，希望下次先搞好故事，有原創性，先再諗下特技點玩仲好啦。

引用戲中對白唔單止做到 係要做好作為科技大片 CGI等“硬技術”做足但作為電影 劇情/選角/演技/對白/配樂 都在水準之下今次仲未“做好”如果有下次 依然會入場支持希望唔好消費觀眾嘅熱血