小魚仙

或者成敗嘅關鍵係點樣處理主角嘅髮型，animation 冇哩個問題，因為角色陸上同水裏面嘅髮型係差唔多一樣，真人就麻煩啦，一上水就塌哂落嚟，當Halle Bailey上水，再靚，個樣都係怪怪的。Javier Bardem 上水個樣直情係搞笑。要解決哩個問題，唯有用方法令髮型濕後更有volume, 最簡單就係dreadlocks 頭，咁，順理成章就用 Jamaican 做人設, 還定Alan Menken原本都用咗Jamaican tone 去做海底嘉年華主調，咁就同時解決種族共融政治正確等問題，所以可以黑白一家親，點知Disney 更aggressive, 黑白黃大撈亂。的確，Halle Bailey 哩個選擇係一個賭博，最後，好明顯係失敗嘅，當然，荷里活屢敗屢試，之前青蛙王子等都唔得，或者佢地目標唔係我地，而係為下個世代洗腦。其實，假如咁介懷政治正確問題，佢地應該先解決公主文化嘅意識形態問題，Ariel 嘅人生係建基於王子一吻，男性一吻能比佢一個將來，Beauty and the beast 就進步啲，都係一吻，但就係女救男，避免咗哩啲性別定型嘅問題。寫到哩度，其實原版係我至愛嘅Disney 作品，The little mermaid 係Alan Menken 同Howard Ashman 嘅創作高峯，之後 Beauty and the beast 都係重複之前嘅公式。所以要重拍，假如冇新角度或者技術突確，係注定失敗！

我自己本身已經唔鍾意小魚仙個故事，個女主角勁戀愛腦咩事⋯再加上選角不當，唔係話歧視有色人種，我都同意唔一定要搵返紅髮白人做女主角，但係黑人當中都有好多靚女選擇㗎嘛⋯⋯

had great hopes but they were dashed out or should I say watered

膚色以外，真魚版的故事同之前動畫版(1989)亦有不少改動。以女主角出發，一位好奇人類世界的人魚公主救了陸地上一個男人。然後靠邪惡姑姑幫助施法上岸，但代價交換其歌聲，不過原版就人魚變成了泡影而電影就Happy Ending。艾力王子的選角 Jonah Hauer-King 的確好有王子魅力。女主角唱的 Part Of That World 好聽不在話下，而新增相對艾力王子的 Wild Uncharted Waters 呼應對父母的控制，對自由與新世界的渴望，一樣傳遞毛管戙的情感，有種經典迪士尼的感覺。男主角背景滲透得較完整。女主角去到人類世界有種Forzen的Anna的 For the First Time In Forever，每樣事物都非常好奇。王子跟一般王子不一樣，會落手落腳貼地的，再加上比動畫版增加更多其身世背景。而兩人相愛過程亦補足不少，有交疊的興趣與一個私人收藏庫。女主角選角之外，喜劇元素都好豐富，好似她的魚蟹鳥朋友幫忙做媒人一段，尤其聲演潛水鳥的 #Awkwafina 好串嘴！The Scuttlebutt 這首合唱Rap歌真是好得意，順便交代給女主角知王子下一步「要提親」。做識魔法邪惡Auntie的反派是喜劇演員 Melissa McCarthy ，女心尸之前的《凸務MADAM》都好搞笑。今次反而蜻蜓點水幾個笑點可惜～最尾她做人類的角色反而是整套戲最靚的角色⋯⋯除了狂旋轉的鏡頭，開頭父皇禁足人類世界的理由有點簡略，少了陸上人們對於人魚與海洋的危險。而最後的人魚人類種族共融可能有點尷尬的，將弑母仇恨、海洋破壞等前事勾消。

睇迪士尼全新經典演繹《小魚仙/The Little Mermaid》，就算女主角唔好睇，剩睇水世界都會好睇啩？1989年同名動畫電影真人改編版，自開拍前自選角階段便已備受爭議，最終由非裔的美國人荷爾貝利飾演小魚仙艾利奧，其實電影好不好看，並非只關乎選角的好壞，還得要看成品岀來後的結果如何？若客觀的看此電影，除了選角外，其他問題不大， 劇情依據動畫版小魚仙，變化不大，適度的刪減，經過調整後還增長了篇幅，耳熟能詳的金曲「Part of Your World 」依舊動聽，荷爾貝莉的歌聲其實亦真的很好聽，可得到肯定，雖然大眾對她的審美眼光不大認同，不過睇人不應單看外表，而且睇睇下有時仲會感覺越睇越靚，對她的整體表現也可算合格。而電影海底場面色彩繽紛，絢麗奪目，結局經過改動，跟動畫版略有不同，結尾融入多元文化，其實…講真吖公主係咪實係一定係靚女呢？唔靚就唔可以係公主？🤣總括套戲係好睇嘅，睇戲還睇戲，不要因為主角就先入為主，而忽略了其他電影做得唔錯嘅方面，未睇就已經話套戲唔掂！

真人版新故事新結局。