金童

3.8⭐其實睇 trailer 已經估計到故事係咩一回事，入場睇完亦真係果一回事，都係熱血+温情+輕鬆，跌低咗要起番身之餘此類，劇情走向一路睇一路估計到會點發展。不過編、導、演、攝影、剪接、化妝等各方面皆不俗表現，人物塑造鮮明，尤其小兒子角色最為突出，印象深刻。至於張繼聰就繼續張繼聰，但仍然有其個人魅力，依然受落，亦睇得出佢為套戲付出唔少，拳賽時入型入格。而張繼聰個頹廢 look 英文朋友亦幾有趣，幾搶戲。反而曾志偉個角色及其家庭線顯得平凡、膚淺同乏味，有點多咗舊魚。將其家庭線嘅時間用嚟深入啲描繪呢個教練角色背景同對拳擊嘅內心情感及與張繼聰之間嘅關係成長、互勵互勉，會令整個戲更實在同扎實。整體電影雖然典型大路，但處理不俗，富娛樂性，值得入場。PS.• 有啲位都做到熱血同感人，令我有啲眼濕濕

知道呢套戲的背景，同取景方面安排，直接俾咗5分實際上其實都有4.5主角同配角們嘅演技都可以說是一流水準劇本亦非常出色，令人感動又勵志唯一是結局拳擊場面，有點失色但仍是值得大家支持的一套香港電影

就方圓大哥的說話方式太有特色⋯

劇情大路，但演出動容！有幾場戲演員們略嫌太用力，硬把劇情拉入流淚位，太流於服務劇情的演出，反而令人睇得尷尬。各演員都稱職，非專業演員上山安娜嘅突兀演出其實可以避免，反而曾志偉父女吵架戲令我感動。張繼聰打拳戲逼真賣力，兼喜劇感游刃有餘，有佢嘅戲都會期待佢嘅笑料，今次都拿捏得剛剛好，比飯戲攻心更好看。

有血有肉 有笑有淚 有愛有溫暖有金句 有看頭 有張力