白日夢接夢

3.7⭐透過幫襯一間奇幻汽車出租公司，一對本來互不相識嘅中年男女，一同踏上一段人生奇幻旅程，雙方過往人生中嘅一啲創傷、遺憾、恐懼、...等等都得以撫平，最後兩人勇敢面對將來，從新出發。導演表達手法不俗，藝術感同商業味倶備，攝影剪接倶佳。男女主選角亦不俗，中年型男配中年索女，各有咁上下人生經歷，有說服力，加上演技出色，兩人由頭帶到尾，令電影增添不少戲味。不過本人認為兩人由相識到有愛意嘅演變描寫不足，大部份劇情只著重於兩人過往不快經歷，以至兩人最後決定嘗試喺埋一齊有啲突兀，尤其結尾女主角突然改變主意，有點草草收場感覺。整體都係唔錯嘅作品，係一套有得嗒嘅電影，可以一看。

套個人覺得套戲是不俗。我會形容套戲好有靈魂，是屬越睇越有味道的片，這樣主要因為有導航這個設定，而令故事中，男女主角各自的旅程推進添加了深度。而導演在描寫角色同舖排故事方面，也彰顯出他的高度細緻技巧。在好多人物設計上，他也是放好多心思去描寫，這樣的描寫無疑令整個角色更立體，個人覺得這點是加分位。咁當然，套戲中色調配置也是一大亮點，其中下雨，紅衣配搭黃傘這個配搭，最為有畫龍點睛的效果。痴·影·夢·藝 X 的專頁 https://www.facebook.com/ckwunmovie/

如題，神秘的租車公司，讓男女主角相遇，相交，走進各種人生關鍵場景，以輕鬆的方式進行深層次對話，相當療癒。4.6/5 (92分)

GPS引到男女主角一齊去到不同的「門」回到過去那一刻，最重要是問人當時的「我」是幾多歲。男主角就可能不算人人所愛「滿足」的類型，而女主角就只有芭比出名一下。所謂一些金句略添戲劇，演戲般領悟何時要快樂。戲中科技看似反烏托邦，不過最後帶出的是希望。這個租車過程幾有《黑鏡》感覺，但是香港中文戲名頗為不關事，反倒是今次台灣譯名比較貼題。文學感足但他們兩人所體驗並非夢，有久石讓的配樂算是加添童話感。去到最後，問號連連，原來是套無厘頭作品。

本片英文名叫A Big Bold Beautiful Journey ，而中文名在台灣就叫《奇幻導航》，國內則稱為《綺夢之旅》。由現時頗具名氣之韓裔美國人名田高梧Kogonada執導。而男女主角分別係David(哥連費路Colin Farrel) 以及Sarah(瑪歌羅比Margot Robbie)，兩位都係影帝影后級人馬，在本片內幾乎90%時間係佢倆對手戲，演出十分到位，突出人物本身性格，相當精彩，聯手在銀幕上大放光芒。有日David架車在街頭被鎖，需要即時租車，由租車那一刻就開始一段奇幻旅程，途中遇上女主角Sarah，參加同一朋友嘅婚禮後，竟一同走入時光隧道，追尋往事，洗滌心靈。這是一個創新、奇幻與浪漫的愛情故事，跨越過去與現在，糾正錯誤，並走向更美好的將來。完場後令我有如清晨在郊野吸到新鮮空氣，精神為之一振。

首先我認我係膚淺㗎啦，Margot Robbie真係好靚好有魅力，因為佢而入場，亦都因為佢幫套戲加返分。呢套係一齣探討內心世界、一齊檢視過去、尋求釋懷嘅公路之旅電影。導演想探索嘅嘢係好多，亦都感覺到佢想討論唔同主題，都見到佢嘗試喺男女主角嘅內心上掘得好深，呢點係幾好嘅，但總係唔能夠一擊即中，只能夠喺外圍輕輕帶過，唔夠深入。電影對白亦都唔夠精警，俾人感覺冗長、長氣，加埋電影整體節奏比較慢，有啲moment真係令人想瞌眼瞓。雖然係咁，但我都係享受呢套戲嘅，因為佢嘅美術設計同畫面都係幾靚，佢有啲畫面都幾抽象、用一個比較天馬行空嘅手法去演繹出嚟，電影本身都唔係100%現實，唔少場景都有一絲絲嘅夢幻，好似真係發緊夢咁，呢種感覺係有趣嘅。所以呢套戲真係靠畫面同演員去搶分，男女主角嘅演技係可以搭救！但感覺導演始終唔知係功力不足，定係太自視過高，令到套戲流於表面，有時亦都唔知佢想表達啲乜。