祈念之樹

3.2⭐一套帶有少少奇幻感，關於幾條家庭親情線嘅動畫電影，改編自日本著名小說家東野圭吾小說作品。人設同美術有其風格，但唔係現時流行嘅超美型人設同超精緻背景美術。整體調子都幾 flat。屬成人向劇情心靈動畫。

無睇任何資料入場，一開始觀眾係唔知咩係“祈念”（劇情有賣關子）到中段先揭曉，前半段係各種各樣嘅對話，調查等等，三條線撈埋一齊有d亂。到後段入戲之後就會被呢幾個故事感動到。4.7/5 （93分）

雖然無睇過原著，但東野圭吾嘅小說我都睇過幾本，《祈念之樹》貫徹東野圭吾一向嘅風格：故事發展會攝少少推理呀、謎題咁，加上每本書（或者講系列？）都有東野圭吾自己想講嘅大道理，今次呢套《祈念之樹》明顯想講血親、家人、傳承啦！祈樹作為全劇最大謎題設定嚴謹，用黎做主旨貫穿劇情；主要角色人設各自都好立體，雖然每個角色都較小陰暗面、無乜反轉位；劇情上都偏日系正能量，年少男主角開頭少不更事呀、有所經歷後犯錯又成長咁，加埋美女主角同同樣年少嘅男二，三人有各自不同嘅問題都可以同主線祈樹有所連結咁，整體劇情都係屬於王道向。王道劇情又唔等於唔好，背後所講嘅野都好「高級成年人」：成套戲講記憶、講思念家人，但不止一次帶到去「腦退化症」；祈樹可以令講唔出口嘅野比人親自感受、但有啲野又會親自面對面講出口更感動到人、但結尾時又會講返有啲野無親口講，透過祈樹講可以更完滿，呢種三重結構嘅矛盾，再加上人設飽滿同帶有神秘感嘅祈樹，成個故事大綱好東野圭吾，真係有一個長編小說嘅份量！最勁嘅地方係電影改編得唔錯，幾十萬字嘅小記化成劇本，就算我無睇過原著，但就咁睇完套戲都覺得應講嘅都有講哂，無乜搵到Bug出黎。雖然《祈念之樹》真係好少年向，而且主角結尾最大嘅演講過於單薄同埋典型日本說教式，起馬作為收尾嘅重頭戲我覺得係唔合格嘅。亦可能有觀眾覺得故事平淡，但我自己就幾享受呢套戲，東野圭吾想講嘅道理我都有帶走。提外話：東野圭吾嘅書《白夜行》《神探伽利略》《嫌疑犯X的獻身》《解憂雜貨店》咁出名當然有睇。但我自己最鍾意嘅係應該無咩人識嘅《空洞的十字架》，呢本書講大仇得報後嘅空洞感真係好正！

《祈念之樹》係東野圭吾首部改編為動畫嘅作品，由伊藤智彥擔任導演，岸本卓擔任編劇，A-1 Pictures擔任動畫製作。並由高橋文哉、天海祐希、齋藤飛鳥、宮世琉彌、大澤隆夫等配音。.劇情講述無業青年直井玲斗（高橋文哉 聲演）有一日被迫做月鄉神社嘅「樟樹守護人」，有人話呢棵樹好靈，但始終唔知道有咩秘密，大學生佐治優美（齋藤飛鳥 聲演）嘅爸爸成日嚟，兩位主角決定一齊查清楚係咩事。.《祈念之樹》同東野圭吾嘅其他作品有啲唔同，今次多一啲神靈奇幻元素，做動畫都幾適合，而且我係估唔到棵樹嘅秘密🧐真係睇到最尾先知😂.劇情以親情為主，要珍惜眼前人，有咩想講真係要講出嚟，唔好等到冇機會或後悔先講。.電影整體都唔錯，交代劇情都流暢，個人幾鍾意佢個畫風😆鍾意睇奇幻同親情戲都啱睇，尤其後面解謎嗰度，將唔同嘅線一齊解晒；而男主角嘅成長方面都寫得唔錯，真係睇住佢成長噉😂.但都明可能會有人覺得有啲平淡，因為呢套唔係啲起伏好大嘅劇情，所以節奏相對會比較慢同平，但一邊鋪路到最後解謎都幾有趣。.幾位演員配音都唔錯，尤其天海𧙗希真係有啲氣場，而齋藤飛鳥畢業後好似冇好多作品，今次都幾驚喜，而且都配得幾好。

沒看過原著，我是被伊藤智彥和岸本卓吸引進場，平淡地進入故事，輕柔地離開戲院。很喜歡電影的運鏡和間中轉用畫風去表達情感的激昂，也為天海祐希的精湛演技拍掌。能預想到男主的成長，卻沒想到是跟兩條副線一同成長，有種在人生的路途上總會有人在意想不到的方式互相扶持的感覺。三個親情的故事，三種不同面向，但對家人的重視都是不變的。唯一就是中間某首插曲比較突兀，整體都是一部治癒的故事。

故事嘅設定雖然有奇幻元素，但唔係嗰種顛覆常理嘅奇幻比起奇幻，更加多係為咗用嚟帶返出故事嘅信息本身亦都因為呢個原因，覺得作者活用呢個設定嘅方法幾體現出溫柔因為唔想劇透所以講得隱晦啲🙈