怪物

一路睇一路估邊個先係好人，邊個壞人，究竟怪物係指d咩，點解會有怪物既出現. 原來怪物可能就係身邊......好多野係一環扣一環，要留心d 睇

當年公映第一次睇已經覺得電影好有餘韻，情節同入場前預想完全唔同。三年後入戲院睇，已經大概知道故事脈絡，今次就專注睇每段每個線索嘅呼應，再睇仍然震撼，幾乎每個場面對白都閲讀到訊息。睇日本電影，有時會令我對日本文化嗤之以鼻，《怪物》就係表表者。成套戲俾我嘅感覺就係日本普遍好注重面子，喜歡「藏垢」嘅問題。三段式敍事反轉再反轉，最終並無惡人，真正壞嘅日本壓抑嘅社會文化。保利老師不斷食死貓去到開「道歉會」嗰度，對我作為香港人直情係匪夷所思，唔知現實中日本係咪真係會咁......是枝裕和導演拍小朋友太太太厲害，依里單純嘅笑容同舉止非常惹人憐愛，然後佢同湊喺車廂嘅互動，兩個眼神對望、擁抱嗰啲肢體動作，再睇仍然毛管戙。好中意拍到小朋友(pre-teen)嗰份innocence，尤其佢哋同周遭固化社會互相映照，喺個車廂就(暫時)衝破到世俗之於佢哋嘅藩籬——睇嘅時候既喜又悲。即使再睇，仍然讚歎電影前段開咗好多看似怪異嘅行為，有啲令人懷疑係超自然或缺乏理智嘅人先解釋到；但後段一一拆解，其實每個人嘅舉動喺佢哋視角都係合理，解釋之餘又有啲位留白，俾觀眾自行延伸解讀。諗返現實仍有好多只係純粹想做自己、表達自己情感嘅人，因為身處環境對佢哋嘅惡而覺得自己係怪物。其實我哋每一個都唔係怪人，或者每一位都係怪人。雖然世界唔完美，but it's ok，起碼仲有是枝導演電影嘅温柔。

睇完套戲會有好多反思。如果導演同編劇唔係用呢種手法處理故事，可能只係一套講下社會議題、平平無奇嘅電影，電影亦唔會有《怪物》之名；正因為而家呢種處理手法，先能夠引起觀眾更多思考。

劇本紮實，有twist得來卻不是花巧性地賣弄扭橋，透過不同人物角度講述人性，最終結局留有餘韻。好的作品。

反映現實每個人都發生過嘅日常都同人性有關，背後可以影響人一生。每一節令你以為係咁，原來又唔係咁，睇得好精采！