好孩子

4.2⭐新加坡電影，題材又吸引到我，所以入場睇下，果然有新鮮感，同埋幾好睇。本片係一套關於LGBT嘅溫情喜劇。故事劇情流暢，嘅有温情，又有輕鬆。最impressive當然係男主角許瑞奇，既靚仔，又靚女，演技又出色，能以輕鬆喜劇手法去演役女人心，舉手投足都好自然同好女人，其悲慘成長令人心酸，但仍能自強面對，又令人為其鼓掌。相反，佢嘅"家人"、老師、校長，其實冇個好人，所以男主角其實係一個悲劇人物，令人同情。整體電影故事流暢，演員出色，輕鬆而又有温度，值得入場！PS.• 個失智老母失憶到末期，臨尾突然又完全記得咁多舊事，解開謎團，真係奇！🤣• 電影以男主角悠然自得嘅卸妝過程+字幕作結設計唔錯，比觀眾有想像空間。我個人感覺係男主角笑對將來，繼續出發。• 其實個老母最仆街，男主角有今日多得佢唔少。• 好多時男扮女裝都睇得好嘔心，但呢套我ok 喎

新加坡電影喺香港比較少接觸。呢一部閉幕電影絕對係非常出色，絕對值得支持入場睇 。電影中畫面有好多Contrast，Drag Queen舞台上嘅華麗，落妝後嘅平庸，華人家庭唔懂得表達愛嗰種感覺，起承轉合做得好好，亦都好有溫情溫度嘅電影。電影中有笑有眼淚。每位演員亦演得得非常好。希望更多人能支持呢部電影。

不被社會理解嘅drag queen理解同不被理解嘅失智症家人，角色敢愛敢恨十分討好。雖故事中亦有少數老套情節，但起碼整體故事流暢，演員演技十分好，帶動到觀眾感情。希望更多人留意到去睇下(見到唔係好多場有上)

個人覺得套戲是好有溫度我會講，套戲好有種好窩心的情感，這樣好自然地顯示出來，而導演在各方面的處理同執行均是一樣精湛。其實我喜歡他用失智母親健忘作為故事設計，來襯托男主角性別錯配這個主軸，這樣無疑是聰明。其實因為如過於直白描寫，會令戲質感同張力不夠，而用這個錯配的設定，可以令套戲更出。咁當然導演因為之前拍男兒王的經驗，再拍同一題材的，在題材拿捏同手法更趨成熟。咁當然，導演也想藉這套描寫，在保守主義濃厚的星洲，當LGBT光譜中更小眾Q類變裝皇后，她們所面對的歧視同背後的辛酸。講演繹，無疑是演失智母親的洪慧芳或是男主角許瑞奇，均是好細膩，洪今次演失智母親的演繹的確亮麗，她可以演繹出失智對自己兒女性別錯覺同對調的質感。而男主角許瑞奇的演繹也好睇，他既演繹出男娘這份美艷，而也演繹出作為孩子對病母這份照料同真誠的愛當然許著這副皇后裝同男娘裝的確夠妖艷。這方面，套戲的美術服裝也有好大功勞。痴·影·夢·藝 X 的專頁 https://www.facebook.com/ckwunmovie/

首先係好少見嘅新加坡電影，然後花少少時間適應主角“變裝皇后”嘅造型，然後就會發現佢係一個好nice嘅人，在媽媽患上失智症的時候肩負起照顧者的重任。後段一個個可怕的秘密逐漸揭開。。。最後一家人能否破鏡重圓？4.7/5 （93分）