超級瑪利歐銀河大電影

全部嘢都好好我好鍾意最後個part

個人覺得套戲總體是好睇。我會形容套戲是一碟老少咸宜的雜燴炒河，如講究層次感的人，會覺得這碟過於雜亂，但只講求證價比的，卻可以好滿足。咁當然如果是任記或瑪莉奧系列的粉絲，這碟炒河每一個細節，也會食得出同好享受炒這碟河的大廚所放的隱藏彩蛋。無疑今次任天堂的野心比上集更宏大，如果上套只屬小試牛刀同想試市場水溫，而今集卻是想嘗試將瑪莉奧世界擴大到整個任天堂世界的，這點我感受到明顯，我大膽講，這套是為未來任天堂全明星大亂鬥DX動畫大電影而鋪路。而純粹講今集，我會形容是簡單直接，整套戲節奏推進明快，角色描寫比上集有點薄弱，但以兒童向的片來講，依然屬可接受的水平。而他們在畫面處理上更有玩味，更多玩2D同3D之間場面的切換，這點無疑令一眾舊瑪莉奧好有驚喜。講真，總不能用以評米芝蓮1星的標準去評澳牛，這樣是好不合理同不公平，不同類型的戲應有不同量度的尺，用錯尺只會帶來不公平。 痴·影·夢·藝 X 的專頁 https://www.facebook.com/ckwunmovie/

3.3⭐意料之內嘅劇情、套路、場面同趣味，中規中矩，冇乜特別驚喜或亮點。CG表現亦係一般般。帶小朋友入場當親子活動還可以，唔好抱住睇 Toy Story、史力加心態入場。任天堂/Mario Fan屎可能會滿足啲。PS.• 院內全程都冇乜笑聲，包括小朋友，可能呢個年代嘅小朋友對Mario 冇感• 片長只有98分鐘似乎短咗啲

有更多場景，包括我最喜歡嘅太空theme，新公主都好靚，關於佢嘅情節都好睇，亦有經典嘅2D打機畫面，正？4.7/5 （93分）

龜縮之後實在太可愛，闖過第一集就明此系列的基調，三線並行不難明白。角色眾多各有點水式補充。劇情主要就是踩踩跳跳去找外援去救人，家長最多綁架多一個半鐘頭。如果補充多些耀西的從前遭遇就得分。補充了兩位公主關係，解釋兩姐妹不得不分開的原因。孖寶兄弟就戲份集中頭尾，路易吉加點愛情。　　 今次在沙漠區領養的討喜耀西基本就是隻吉祥物，稍為多過Luma星們，個別設定例如吞下生蛋可能對非玩家不算好影響理解。回憶在紐約城區跟住牠條萌尾難忍惹人憐愛，這個夥伴關鍵時候就變成騎乘載具，舌尖甚麼都吃得下去好大器量。YOSHI前，YOSHI後好調皮～　　 彩蛋滿塞，最明顯應該就是在停機平台的Pikmin。星際火狐、女王蜂就可能比較年代久遠。現在要用模擬器才能玩的作品。在天堂之門銀河ROB這個在中轉站的指示機械人好像隔離老鼠廠的閃電。蛙王賭場的重力變化跟豐富細節呈現。資深玩家必會看到各種遊戲客串，看來未來砌成更大的NCU！　　 碧姬公主今集都已成戰士，庫巴亦由情痴轉成爸爸。庫巴Jr.的高級保護措施，監視屏幕上以經典點陣卷軸呈現障礙安排。還原變大之後扮扮並肩作戰，然後太空這麼大留給角色轉變的空間就另外一件事。　　 童年回憶跟瑪利歐雖則扯不上關係，對這個IP就算共鳴不大都總會在生活中聽到相關的響聲。翻頁式故事書的手工片尾加分，不用提示都要睇到最後！庫巴兩仔爺化成骨下集應該都不會放過。

再一次係sell童年回憶，呢方面係正嘅，仲估唔到有火狐隊長，最大驚喜就喺呢度！劇情上都係頗為大路，始終小朋友向電影，故事都係簡單，絕對嘅壞人、絕對嘅好人，整體驚喜欠奉，笑位有嘅，但只係會心微笑，所謂銀河電影，但又遲遲未入局咁。唯有再讚就係動畫同特技出色，呢方面好睇嘅，雖然電影整體一般，但sell品牌都足夠，睇埋片尾片段都幾肯定會有第三集，相信到時都係會俾錢入場睇。反正係一套復活節假期一家大細都啱睇嘅卡通動畫，正路嘅老少皆宜電影，呢個星期冇乜好睇嘅情況下可以睇吓。如果唔啱睇歡迎大家再支持吓再見UFO同末日聖母號，兩套我都已經三刷了。