青年警察

最爱韩戏打戏足又搞笑看点多无闷点

欣賞角色的設定很素人和真誠，坦蕩蕩的就是兩個年青學警的成長故事，演員演繹不造作很自然。動作場面不會浮誇，就是寫實的跌跌碰碰，但不失看頭。看到兩個素人經驗現實的洗禮，漸趨成熟，很熱血。另外看到朝鮮幫惡人想起【黄海】，出夜街其實是滿恐怖的。

兩位學警出更，勇救 20 個孤女，仲要一個打十個。故事情節講真堅離地，而為了突出兩位主角初生之犢不畏虎嘅氣慨，又太刻意地貶抑了警察系統嘅官僚與效率。但電影總算拍出年青人心中單純嘅正義理想，與救急扶危嘅熱血激情，所以都值得一看。

講真，雖然係朴敘俊fans開頭都覺得幾悶..... 但之後到兩個男仔開始合拍，做到好朋友，就有好多令人有共鳴嘅友情位。到後來一齊唔理學校反對為咗救死扶傷而冒死查案救人，除咗當中有笑位，都令人反思宜家社會嘅狀況。成日話勿忘初衷，但人總係因為社會嘅洪流而失卻最初充滿熱誠嘅自己；成日話救人要緊，但當初嘅救人心切已經因爲規矩同步驟而開始麻目。所以幾欣賞套戲有輕鬆又有緊張嘅劇情，同時有令人反思嘅信息。

認真⋯自問睇過唔少韓國電影，冇見過觀衆係咁拍哂手掌！全場勁 high😂正呀！

或者只有呢種初出茅廬既學警先會有呢種熱血，辦案唔純熟，但就係有前無後打死罷就勇往直前精神！打鬥場面精彩，兩個男主角又靚仔，雖然全無感情戲，不過就係好睇！