躁底師兄2 行刑師

睇完就知道韓國片超越港片的原因。

其實無咩好講，專殺壞人嘅罪犯，好正路嘅劇本，演繹方式亦好韓式，邊查案邊打鬧咁，最後打鬥爽一波，係一套好標準嘅韓式警匪片。4.5/5 （89分）

海報上的丁海寅 與戲中的他笑得好靚仔！就算第一集唔太記得都唔相干，因為今集都係睇黃晸玟文武雙戲都咁勁！笑位上好笑過韓國同期的《犯罪都市：鐵拳清算》，打鬥力度看上去更要有聲有色。天台打鬥真係要杜比全景聲先得，睇到濕曬身～最加上設定上應該是寒冬，全員浸濕真是「難受」。查出內鬼過程略為跳躍，大致這段文戲連長官都聽他的話。最後隧道裏選救何人都幾驚險同最搞笑。師兄他雖躁但理智，救回一切幕後的黑手讓法庭去判定。

劇情緊湊、武打出色、兼惹笑，好好睇！冇睇第一集，仍不影響觀感！

利申：無睇第一集，但幾乎無影響睇第2集嘅觀感條橋同大馬套《警長：捉內鬼》撞到應一應，都係一開波就開估左個凶手，仲要都係內鬼😂除左凶手出發點唔同，真係99%一樣。但《躁底師兄》就好睇過大馬個套好多，老實講查案個方面無咩特別，由於一早已開估凶手，電影風向都係睇個凶手點樣撚狗或者差啲穿煲，呢方面就《警長》做得比較好，《躁底師兄》個凶手好似無經過任何考驗咁。但《躁底師兄》無論係節奏、合理性、刺激感都掌握得比較好，由其係節奏方面，導演真係唔太比觀眾休息，高潮位係浪接浪無停過，2個鐘勁快過都無乜機會思考到。但過程係爽嘅，所以電影節奏非常暢快！亦都無玩瘋狂扭橋扭到唔合理，簡簡單單探討下韓國底層道友、警隊黑暗面、網絡欺凌、現實欺凌再加下社會輿論點樣帶風向咁（數落都唔簡單）已經好好睇，難怪第一集係韓國現象級電影，相信韓國人睇更有代入感！至於黃晸珉五張野仲要打到咁甘真係辛苦哂（睇完《武替道》嘅我都多謝埋咁多位特技人），丁海寅嘅鎖技都好好睇，又演繹到殺人唔眨眼嘅暴力冷血感，相當唔錯。打交黎講我地香港人睇開成龍甄子丹大嘅應該覺得到喉唔到肺，但其餘國家嘅武打片進步都非常大，就連上述講嘅大馬片都打得幾唔錯，到底係咪香港嘅人才外流哂？定全球化真係太厲害？大家嘅差距無以前咁大？所以真係好欣賞香港仲可以開到《九龍城寨》同《武替道》，感謝咁多位金主爸爸！

有時覺得，韓片的警匪片個模式，真係冇咩變化！來來去去都係嗰d！所以唔好意恩，今次堅係睇到有d躁底。。 韓國警匪片我不嬲都會選擇的，今次也不例外，但唔知係咪睇得多，所以個結局唔駛估都係嗰隻！如果再以公式化的鋪排，唔排除會棄睇的可能性！希望下次能夠再有更新的原素，泉為觀眾帶來更多的瓤鮮感。。