跳越時空的愛戀

日式奇幻穿越時空女女純愛電影。風格具日本“慢條斯理”特點。全片要讚嘅係攝影、美術同配樂，加埋一齊畫面係靚嘅，意景係有嘅，水準唔差。另外CG特效亦不俗，好過好多中港電影，泰片有咁嘅製作水準令人驚訝！另外混血女主角外型具青春氣息，亦帶點動漫feel，令電影加分。可惜空有唯美畫面，內容卻缺乏感染力，拍唔出感動。原本嘅上天下海內容其實已足夠，無厘頭加入戰爭篇章真係多舊魚，對電影無幫助之餘同前一篇章亦格格不入，真係畫蛇添足，為拍夠兩小時“大片”而拍....失敗。另外，喺戰爭篇章中，另一女主角根本唔識亦冇愛過Kath，而老豆亦唔再係佢老豆，咁拍嚟做乜呢？同發咗個無厘頭嘅夢有乜分別？為奇幻而奇幻？整體嚟講本片制作出色，有誠意嘅，但劇本就麻麻，穿越編排亦有點點凌亂，不推薦亦不反對入場，觀眾自行決定。

FreenBecky 兩位是幾有眼緣，幾次百合錫位都幾甜，配合幾首歌是不錯。戲裏戲外都是情侶就更有說服力，天生就像是一對。斥資製作卻事倍功半，或許要真愛的粉絲才能投入。剪輯算有點混亂，突然就穿越時空跳過鋪排，話是夢境也不違和。還好時空之間女主角都幾明顯分到，髮型上性格上都不同。兩人在危險關頭生死之間想起的就是對方。不同宇宙，兩人最後都不能善終的遺憾，或者曾經擁有更要好好珍惜！混血女主角去到其他時空以為對方會明在我們其他地方彼此相愛。戰爭時空可能加添緊張，不過逃生一段可能要有耐性。不熟泰國歷史，反而初入這段有種新鮮感，好奇日軍佔領時其他東南亞地區的情況。泰國的太空片反在這套愛情電影呈現出來也是意想不到。

叫就叫做有新有舊啦！新嘅係好少見至泰片有講到平行時空的情節，更有誇國誇語言的背景！舊嘅係故事骨幹始終離唔開都係一段同性戀嘅愛情故事。。 故事中說出了一個局面，就係人若去到第二次元，個人的記憶還在嗎？最痛苦莫過於有人記得，有人唔記得！不斷地錯摸之下有似曾相識，但係又說不出來的感覺。片中演員我唔識，但又好好睇，演出到位，叫人看得舒服！最後如果成套戲再剪得緊湊d，我會覺得更加好。。

整體上畫面故事音樂都好好，愛情親情片。相信部份劇情導演用誇張嘅手法，突顯某一啲主題。某啲時空交換情節，觀眾可能未必明白導演想用簡單手法表達新時空已到來，但佢想留返空間俾觀眾思考。唔同年代導演都想拍一個時空，應該係for穿越劇情。原本電影在泰國係長啲，今次香港版本for亞洲市場所以剪輯左。

呢套戲簡直落重本，又唔同嘅場景，唔同嘅平行時空但係佢係會同你講，我而家平行時空啊然後所有嘢都拖得好長，我睇咗好多次手錶確實兩個女主角錫錫係幾好睇但套戲太多吐槽點啲對白好怪，尤其是講英文無啦啦槍戰，真係搞唔掂如果可以精簡一啲小一幕平行時空會好好多田