28日後

見”28年後”快將上映，特意搵返第一集"28日後"同第二集"28週後"嘅blu ray睇，迎接第三集"28年後"嘅來臨。本作為2002年作品。相信大家都知此系列都係講病毒感染同喪屍。但本作並非以打喪屍為主打賣弄血腥嘅娛樂爽片，而係創造一個被病毒感染嘅喪屍世界，幾個幸存者如何求存嘅經歷，當中有打喪屍場面，但更加著重人性嘅描寫同內心探討。故事講述病毒起源同擴散，劇情唔算複雜，有啲劇情亦有啲牽強。電影最成功嘅地方係成功建構一個末日死城，令觀眾體驗一個無人之境，尤其開場不久男主角發現只有自己一人，蕩遊於一個荒涼嘅倫敦市中心，果種孤獨蒼涼感覺非常好。👍由於此作為第一作，投資唔高，屬低成本製作，所以喪屍特效唔算特別出色，只屬一般，不過整體此作藝術性/意念上比商業娛樂性更高，亦係當年話題之作，對於喜歡電影人士值得一看。PS.• 此作男主角為奥本海默男主角，當年非常鮮嫰，重露鳥演出，不過我覺得其實劇情冇咁嘅需要。• 當年佢嘅高速喪屍有別於Capcom Biohazard 頭幾集嘅慢速喪屍，另有一番感覺。