哈哈哈新年喜戲

以香港演員掛帥，馬來西亞拍攝的賀歲片，姜皓文夫妻檔擔任編劇及監製。電影在香港宣傳不多，到昨日才出動謝票。.無諗過一開場竟然係四套賀歲片中最有劇情的一部，複製皮膚技術的大陰謀，嚇到我後面位小朋友觀眾不斷同媽媽嗌好驚！之後劇情轉向輕鬆，主線支線編排比例剛好，只是主線收尾有點趕急，人物角色設定偏單向，略嫌不夠人性化。至於對白及笑位感覺有少少硬Tag，可能是大馬及香港文化不同，這是停留在八九十年代的港式笑片程度吧，但都還算睇得歡樂。.演員方面，除了姜皓文一人分飾兩角較有挑戰性，其他角色發揮機會唔多，各人表現亦中規中矩。今次BOB又幾好笑，比以往過度浮誇的演繹有點收斂。.電影搞笑中亦有點溫情，最後結局有點意料之外，劇本是有沙石，製作上亦有不足，但以睇賀歲片心態都收貨。.觀影平台: 嘉禾Megabox.IG: AndyMyFilmography/ #AndyMovieReview

呢套戲題材好突別，帶到好多正能量同愛比觀眾，笑中有淚，支持香港電影👍

俾個戲名呃咗，以為笑餐飽，原來都幾催淚。戲中兩首歌都好易上口，喺個腦loop足全日，希望可以好似歌詞咁講 "興興旺旺".

感覺係被硬包裝成賀年戲累事，首主題曲真係好勸退。但正因呢個包裝令我睇嘅時候有驚喜，首先題材已經相當有趣，中段亦有唔少笑位，而後段配合兩首歌曲，感動位非常強烈，尤其是有解釋到哈哈哈係點解果部分。4.7/5 （94分）

哩套係我蛇年睇嘅第三套賀歲片，我都學下網友排下名次：1. 臨時決鬥 值$502. 哩齣 值$35 （我睇長者早場 票價進一步下調 由$25減至$20 香港電影業前景令人擔心😕）3. 祥賭必贏 $104. 麻雀追仔 冇睇 唔會睇 請都唔睇以上除咗（4）我都以$20-25老人早場票價睇，換言之，於我1+2係超值嘅，（3）嗰$10係俾朱栢康嘅！馬來西亞🇲🇾民風純樸，電影講求溫情和人情味，對於冷漠慣嘅城市人，尤其香港人，睇落會嫌故事粗枝大葉甚至幼稚，有睇返TVB《歡樂今宵》「趣劇」嗰種老尷、肉麻當有趣嘅感覺。另外，美術、服裝、化妝、劇本、佈景、剪接、歌舞⋯⋯都有很大嘅進步空間，最唔好嘅係好抄唔抄，抄埋晒啲上世紀香港七八十年代港產片或電視劇嘅橋段，唔夠大膽向前與時俱進！但笑位仍然比英皇賀歲片多，單係林盛斌一個都多過晒英皇群星加埋晒嘅總和😱😱😱不過黑仔唱嘅嗰隻主題曲就真係不敢恭維，唔關黑仔歌藝嘅事（觀眾根本唔要求佢唱得好），但歌詞+旋律都好似幼稚園唱遊，難聽過粗口🤬當然，你會話賀歲歌係咁上下啦，但有咁多現成好聽嘅賀歲歌，求其搵隻俾黑仔唱都會容易受落過哩首，起碼唔虐待觀眾又可以慳返啲作曲填詞嘅製作費，俾少少版權費就慳水慳力啦，我就係因為哩隻歌先至遲遲唔肯入場㗎😱😱😱

既然票價有優惠睇埋備受忽略嘅溫情喜劇《哈哈哈 新年喜戲/Ha Ha Ha Happy New Year》😀😄😂。姜皓文夫妻檔監製嘅電影，順理成章黑哥擔正演出兼唱埋主題曲，太太(姜氏美人)殷寧編寫的劇本，電影在吉隆坡取景拍攝，故事講述企業商家在商業競爭中被綁架，失去記憶被星母廟主持和村民意外救出，在追查身世的過程中，發現這一切皆與他童年時在孤兒院的經歷有關。劇情大橋算係唔錯嘅，開頭有啲估佢唔到，宣萱罕有的在大銀幕演出，又有陳靜及高顏值大馬女神陳玟蒽充當花瓶，而笑料方面當然有啲係硬滑稽，但又有喜感喎，搞笑部分，李璨琛演得稱職，而阿Bob林盛斌飾演的炒粿條大叔演得尷尬，但又幾過癮，不過過新年歡歡喜喜、開開心心的睇到啲有點意義而又有充滿新年氣氛嘅電影，我就覺得係可以接受嘅，比起入場觀看前嘅預期效果好，若果睇曬其他首輪嘅賀歲片，而你又夠膽去睇嘅，不妨睇埋呢套，話曬都係電影人嘅心血。