邪Mall

個人覺得套戲比預期中好，導演無論執行同處理均好，我會形容套戲是新一代版本生化壽屍，這方面導演也毫不掩飾地去致敬，個人對這樣是滿意。講真估不到套戲故事結構是工整，整套的脈絡有頭有尾，不像同類片般有頭無尾，這點的確一讚，而用死場作主軸也是到位，咁當然導演在這點上的確有心思，可找到香港紀錄死場專家 #希比 來客串同找長沙灣天悅廣場作拍攝場景，從始可睇到製作團隊的心思。還有導演想透過角色設定來寫出龍虎武師對港產武打片黃金時代的無名貢獻同辛酸。而演繹方面，各演員演繹也符合預期，其中我最喜歡阿卯今次的演繹，他今次演這個半桶水師父的確傳神。感覺好討好，咁當然 Candy 同黑仔的演繹也好睇。咁當然不可不講今套戲的美術，尤其是特技化妝，這樣的處理無疑大大令套戲有所加分。痴·影·夢·藝 X 的專頁 https://www.facebook.com/ckwunmovie/

一晚間，用無人流商場/死場作此戲主要場景.前中段用頗多jump-scare來揭示每位租客的感染情況，每個租客背景不用深究畢竟都是用來送死用。如果上串流之後或用1.5倍速來看更佳。以為有死場會噴出新意，可惜不夠cult⋯⋯風水師傅麥師傅楊偉倫戲份比預期少，半信半疑自己所承繼的知識。最難記的符咒對白怪不之得如此的攰！如果本書內裏的概念跟術式可以稍多擴展就更好，不過作為新世代不全信老一輩的殭屍不驚但嘔心核突，場景就最搞笑是全員找到突破位「爬」走，就是想睇到急中出錯差點全軍覆沒。如果這個年代有實體祖傳天書，應該好好掃描加OCR以備不時之需。以這個人流「冷清」的商場為故事，但追逐位完全無感，跑來跑去整個場都無特別。戲女主角的Candy就無多大特別，有眼緣確實。開頭十五鐘都頗多伏筆預示之後如何重用抗怪。她與香港電影的夢想的一部分略為出戲。戲中有個做俗稱替身的武師的阿爸，還以為會有甚麼苦功呈現出來。Candy如果都變成殭屍可能更入肉吧？各個租客實在太無特色，不過最好看還是見住阿爸死而笑的囡，大難臨頭最能見到一路的不滿。戲中被恩將仇報的好人 #蘇家樂 如果補充多一些怨位就更猛更魔。Hebe一出現，應該是最切題最共鳴的角色！

小本製作，喺個死場拍嘅喪屍鬥三腳貓道士電影，化妝唔太核突，驚嚇場面公式化，二戰怨念待時而動，有啲歷史有啲親情，樣樣有啲，十足港產三餸飯電影，味道係意料之中，完全冇驚喜，女主角王家晴完全唔識演戲，面部肌肉硬化，傷心驚恐都係差唔多嘅表情，難為黑仔同楊偉倫要扶持佢，攪到自己要降呢！連做「跎衰家」嗰個𡃁妹都好戲過佢好多，誠如黑仔以老豆口吻同佢講「你想好似我咁成世困喺度呀？香港電影冇得做㗎啦」！如果以佢嘅水準，佢話要繼往開來，承接前人/爸爸（黑仔），振興港產片，就真係冇希望啦😱😱😱新演員當然要提拔同支持，但王小姐實在差太遠，進境有限，誠意忠告「及早轉行」，否則「成個香港電影業都會俾你攪彎晒呀」😭😭😭

有生化壽屍既感覺，劇情都幾緊湊。黑哥同Candy 嘅父女情都表達得幾好。Candy 初登大銀幕，表現都算不錯，可以再進步。

好耐無睇過本地製作既疆屍電影特技化妝好出色 真係有啲恐怖！一眾資深演員同新演員既合作都好好睇值得入場支持既香港電影！

化妝好用心，唔係hea住化嗰種，雖然有人覺得太核突，但我又唔覺喎。故事情節合理，有溫情、有搞笑、有緊張、有慘情，唔覺有悶場。黑哥、阿卵、Candy都做得好好。可惜上畫日期係Halloween正日，過左Halloween 先睇會少左節日氣氛，如果早啲上畫會好啲。