外星奇遇記

我抱住睇《愉快動物餅大電影》心態入場睇，最後發現係唔得。因為彼思出品必屬佳品，我甚至覺得呢套電影係《Coco》之後最佳。彼思出品通常小朋友同大人睇都唔同感覺，《外星奇遇記》都一樣，背後想帶出嘅想法細想可以好深入。孤獨嘅主角有一番經歷後進步嘅橋段就見慣見熟，但今次主角嘅孤獨感竟然可以套落全人類到。有4,000億顆恆星嘅銀河系搵唔到另一種智慧生物？影射智人呢個物種嘅孤獨。當然，電影畢竟係兒童向作品，戲入面嘅外星人係左膠都好正常，就算係大壞蛋角色都可以用愛與和平黎感化。本人信奉「黑暗叢林法則」，如果真係有外星人會唔會咁友善呢？我就好懷疑啦！但彼思嘅出品就係想教曉小朋友「真善美」，如果將來那怕有一個小朋友比呢啲大道理影響到，無禁發射導彈個個制；或者真係有外星人到來第一時間唔係射核彈比佢打招呼，當然就最理想啦！世界已經有太多紛爭，睇一套唔錯嘅電影避世係好嘅選擇，而且《外星奇遇記》整體都好好睇，無論成人定小朋友都值得入場！如果暑假想一家大細睇套戲，我暫時最推薦呢套（暑假啱啱先開始，仲有大把戲睇，暫時啫！）另外值得一讚嘅係呢套戲完全無搵名星配音做話題，全部一聽就知係專業配音員配粵語，因為聽落真係好鬼舒服！！！你一聽就知同平時嘅名星配音差幾遠！

當連荷里活都放棄創作，靠reboot, 續集同動漫真人版續命，看到Pixar 保持水準，係感動嘅，雖然同 Wall E 及Up 有大段距離，至少唔係睇開場，就估到結局。將Contact Carl Sagan兒童化，都係新嘗試，當然唔係Interstellar, Arrival 同三體嘅級數，但故事扎實有感動位，已經收貨。

故事探討了多個兒童常見的問題及經歷 包括在傳統觀念和父母的要求下如何自處、和朋輩的關係，以及如何堅持自己的夢想和理念提醒人只要堅持自己的方向，往往會遇到同路人以及一起達成夢想的朋友故事感動位亦算做得不錯 畫風畫面亦很可愛接近完美的一套動畫電影，適合大人同小朋友同時觀看

本人衝住贈品買飛睇，畫面色彩豐富，劇情單一，有啲悶場

能體會到團隊動畫製作的用心可惜結局爛尾，潦草完結考慮到電影的定位是兒童算是不過不失

唔明點解有人會話宣揚LGBT 懷疑係惡意誤導想睇嘅人主角擁有自己嘅熱情，追求熱情嘅同時唔被理解，相信想法天馬行空嘅朋友都會有感而發。當主角去到太空時，所發生嘅事同周圍嘅環境都好可愛，亦都有意想唔到嘅事發生。最後主角喺尋找自己中亦明白左唔少野，結局都好感動。