深宵閃避球

呢套小品喺輕鬆搞笑嘅氛圍下帶出好多道理。例如逃避係遇到困難嘅必經階段，而要解決問題，就係要接得住個波。另外仲有好多好句，"我地唔可以慣", "成就別人都係一個成就", 都值得細味。4.6/5 (92分)

入場前沒抱什麼期望，宣傳以揸流攤運動電影作介紹，都預左套戲走無厘頭路線，的確有啲位幾好笑，亦有啲位有少少尷尬，但整體觀感都幾舒服，輕鬆之餘又有意思。我好欣賞電影以閃避球比喻人生，當中充滿暗喻讓觀眾自行解讀，「有啲野唔可以慣」！.劇情方面，每個人物各自有自己想逃避的事情，不過人物眾多，大部份角色的背景故事只能輕輕帶過，實際上也沒有跟進，有點可惜。最後拋個波比觀眾，一個留白的結局貫徹電影中心思想，就如明日戰記所講的一樣，結局係由自己話事！.演員方面，鄭伊健繼去年洗碗天團（都未正式上映）後繼續提攜新人，粉青隊的成員包括較有幕前經驗的李靖筠，陳海寧，鍾雪瑩；有首次轉戰影壇的歌手黃淑蔓及雲浩影；亦有新晉演員李玗蓁，王頤及宋嘉儀。這班女仔演得唔錯，夠青春，不過略嫌戲中交集不多，純粹湊夠8個人組隊參加閃避球而已，而角色設定亦以陰霾主宰，其中黃淑蔓遇上Fuck Boy最為明顯，在戲中的對白都只是有關男女關係。.客串方面，許廷鏗與鄭欣宜甚為亮眼！鏗鏗好似係首次演出電影，非常驚喜！少爺占，彭秀慧，阿雞，錢嘉樂等亦為電影加添喜感，反而朱栢謙今次演出有少少Over左。.最後要講首電影主題曲，真係青春返晒黎！與怪魔我即刻變大個 .觀影平台: iSquare英皇戲院.IG : andymyf / # AndyMovieReview

典型的勵志熱血故事，彷如看回當年的青春火花，部份比賽可處理得更深入。

《深宵閃避球》以罕見的閃避球為主題，首先感覺已經不如足球籃球般認真，而整部電影確實以輕鬆搞笑為主，笑料隨手拈來，觀眾看得輕鬆。鄭伊健掌握喜劇節奏不錯，畢竟他也是展出這類小品喜劇的經驗老手；球隊中的女隊員演出表現參差，有些連名字也記不住，相對搶眼的當然是角色設定為壞過凱婷的Isabella陳海寧。再加上不少驚喜客串影星（許廷鏗、欣宜和少爺占最有笑點）錦上添花，《深宵閃避球》至少保證能夠為觀眾帶來快樂的93分鐘。《深宵閃避球》散發正能量的立意其實非常明顯，片中至理名言數之不盡，對於處於患難中的香港人，電影中大量勵志對白明顯呼應時代，大有弦外之音，相信引起香港人共鳴感並不難。勵志歸勵志，但電影後半段明顯過於側重訊息，導致劇情發展失去了重心。但無論如何，《深宵閃避球》的宣傳字句是「史上最揸流攤的運動電影」，所以言歸正傳，看《深宵閃避球》，其實帶着輕鬆的心情就好，它絕對能夠不時為你帶來笑容。這個世代，有時候不必太過認真，能夠簡單開心鬆一鬆，聽聽正能量金句激發內心，已是值得入場的原因。P.s 電影最後將鄭伊健所寫的一句英文「Life must go on」翻譯為「路仍必須走」，呢個彩蛋幾有心思，我鍾意❤️其他詳細影評，歡迎來到爆米花族的世界參觀： Ig：popcornmoviehk

呢套係我自4月戲院開返後睇嘅第43套戲。但點解吸引到我24號就睇優先場？私心係因為支持Feanna。點知，睇完，感動！25號再睇，目的係親自多謝電影幕前幕後團隊－係呀，直到今日呢班幕前幕後仲四出謝票。講返套戲，節奏明快、熱血、演員不論伊健家怡（兩個勁正又好笑好自然）、一班後生女（cloud同feanna好掂）、定係客串嘅許廷鏗欣宜少爺占都有火花、好好笑！電影好多金句、message，「有啲野真係唔可以慣」、「唔好避，接實個波」、喺邊度跌低，就喺邊度再跌低」，睇完你會有感動同共鳴，香港人就係要呢啲。今時今日喺香港創作唔簡單，但好感謝有人一直去做一直去試，《深宵》由呢個新人導演拍，效果呢？我幾滿意，我最近睇咗好多好好嘅真香港電影，呢個係其中一套！作為90後，見到一班90後00後台前幕後喺呢一行可以接捧，你哋嘅付出同貢獻係人人都見到。當然我都認同呢套戲可能甩甩漏漏乜都有啲，但第一套作品嚟講已經好好，相信如果有更多budget拍多半個鐘故事會更加完整（例如伊健幫一班女仔解決問題同恐懼）。不過呢93分鐘嘅message同熱血香港人都收到晒了！搵伊健演呢個角色同唱呢首咁熱血咁數碼暴龍feel的主題歌真係同佢當年唱數碼暴龍互相呼應！私心比5星！

用一家破爛不堪的「體育館」隱喻香港的主體性，「廢女團」自然是片體鱗傷的「香港人」，鄭伊健演一個廢佬，用「逃避雖可恥但有用」的方式，既保存自身，也讓這群女生的「Life Must Go On」！這是一套「日本動畫真人」電影，主題曲《遇怪魔我識得變大個》好好聽！https://m.youtube.com/watch?v=JDFSIbhkB78