蝙蝠俠

要超越老蘭三部曲基本上冇乜可能，甚至今次都超越唔到添布頓兩套Batman，所以再拍Batman真係好有勇氣。講風格，之前<<小丑>>風格強烈，文藝氣息極重，成功。但蝙蝠俠唔可以咁強文藝氣息，一定要有打鬥先夠娛樂性，先配得起Batman個角色，What？查案？係，Batman去查案係有失身份，大家對Batman嘅認知係有錢，有大量武器，一人之下對所有敵人都好有計咁擊退，今集呢類畫面極少，對白極多，畫面又長期黑，好似將Batman呢個角色基本形象一一破滅，所以觀眾嘅投入程度大大減低，以致好多人都覺得極悶。要講Batman內心世界同埋陰暗面，其實老蘭三部曲已經拍到極緻，再做多次只會枉然。此其一，奸角們亦都係失敗之處，更係可笑，謎語人毫無突出佢係謎語人，只係一個痴線佬發狂，唔係一個狡猾高智商嘅人，占基利版本係完美演繹，今集只係一個痴線肥仔；另一個奸角企鵝，下？毫無霸氣嘅爛面睇場阿叔？戲份極少，可有可無咁；當然最可笑係貓女郎嘅面罩，hea 到爆，學生作品咁，至於Batman，羅拔仔真係唔夾，唔型唔靚仔兼做唔到Batman角色本身個有錢佬但有好多有苦自己知嘅感覺，所以人物角色上係完全失敗。仲想話拍三部曲，相信導演需要調效下電影嘅方向，係咪要加強返娛樂性？人物性格刻劃係咪要多啲深入啲？唔係只係去查案？作為Batman迷係仍然會期待，且看佢下集點拍小丑。

個人覺得今套是不俗，導演各方面的執行也佳，但比較老蘭的三部曲之下，他卻會所不及。其實如果純講技術方面，這套是近乎不可挑剔。無論在鏡頭、燈光、配樂等處理，這套也是雕琢得好。當中個人最喜歡燈光同配樂這兩方面。黑同紅的燈光設定可以令套戲有所昇華，而這樣同時也可以同故事主軸有所呼應。而在角色同故事處理上，導演雖然處理很好同細緻。各角色也有夠空間去描寫同著墨。但個人略為覺得導演在有些場口處理上，有點太刻意雕琢。令感覺不好，而因此在這方面上失去了一點分。而老實導演在處理故事設定上，有點刻意去淡化同顛覆傳統蝙蝠俠電影既有設定，最佳例子他在戲中只講自己是復仇使者而不是蝙蝠俠，這樣反傳統的設定也是幫到套戲。但無可否認今次羅拔仔是演得好，無論個形態，演繹等也是令今次的蝙蝠俠添加了層次。痴·影·夢·藝 X 的專頁 https://www.facebook.com/ckwunmovie/

謎語人、貓女郎甚至蝙蝠俠都背負著傷痛成長經歷，都是社會悲情人物，他們用自己復仇方式去減輕傷痛，但只得活在仇恨的黑暗中，當忘復仇、心存正義才能走進光明。一套編、導、演、劇本、攝影俱佳並富寓意的電影，三個小時很快便渡過，值得一看的電影，請仔細欣賞。

唔好同以往DC英片比較，要獨立欣賞｡全片非常長，但沒有沉悶感｡所有野以寫實手法表現，包括蝙蝠俠以外既角式設計同演譯、飛車場面、蝙蝠俠嘅能力、城市景觀、情節…………等等等等都冇以前咁漫画/卡通化｡死終fan屎未必接受、由其飾演蝙蝠俠既男主角……好頹好陰沉｡但今作對蝙蝠俠內心既描繪好重，從未睇過咁多對白咁痛苦並公然日間出動喺社區行來行去咁親民嘅蝙蝠俠｡個人覺得係有新鮮感既嚐試。

暗黑風格的DC英雄蝙蝠俠第n次重啟，今次男主角換上Robert Pattinson，好似無以前幾代Batman咁大隻，反而有點憔悴滄桑，又幾切合這次電影中角色的感覺。.電影片長三小時，故事未有講述蝙蝠俠起源，當中城市局勢以及角色關係背景靠口述為主令我有點混亂，主要反派謎語人亦令電影走偵查方向，比普遍超級英雄電影感覺注入更豐富元素。另一方面，電影亦帶出蝙蝠俠的心態轉變，主線亦將崩壞的城市及政局帶來希望，並埋下伏線為續集鋪路，十分完整。.不過電影中的飛車場面有點失色，看得出有投放資金製作，但不覺刺激只覺雜亂。.觀影平台: GH Megabox.IG : andymyf / #AndyMovieReview

同前兩個蝙蝠俠係完全唔同風格嘅演繹，更黑暗更寫實。但相信呢種風格唔係個個都鍾意，劇情推進好慢，甚至睇到有啲悶，打鬥唔好睇，貓女唔掂，蝙蝠俠唔勁，浪費咗企鵝，謎語人似路人甲，成套戲似差佬查案。作為大製作自己入場體驗下。