四月，她將到來。

就是一部平淡不轟動的日本愛情劇分鏡、畫面、都不錯淡淡的背景音樂打動成套劇的演出最後的主題曲是重中之中

屎。。不明所以的劇情。。stk的腳演技。。沒提前離場是想等kaze的ed。。

電影介紹這部是現在婚姻觀念，個人未能感受它主題思想~~逃避婚姻、情緒障礙、害怕失去……？除此外，配樂非常正，加強說話能力，可惜本人未能關起來……直至聽了最末報幕主題曲，感覺如上述3點。看電影時，有點摸不著頭腦。。

對初戀果段感情描寫得好好，走遍世界親眼觀看壯麗絕景，亦是我畢生夢想，代入感極強，學生時代的純愛就是多麼的美！相對來講對女主角講果d動物園知識就無咁大興趣。戲中亦提到很多人對愛情，婚姻都感到迷茫，甚至選擇不婚，女主選擇出走的原因亦意想不到，雖然最後關於如何留住愛情的這個難題並沒有真正解決，但留給了我們思考空間。4.4/5 (88分)

劇情老土，都係難忘初戀，三角戀，絕症，太幸福會習以為常，太幸福怕會失去，於是逃避，永遠得不到的愛情就是永遠愛下去的理由？一個留下來營營役役，另一個趁著有生之年，世界那麼大，我想去看看，有冇攪錯？又一個《18x2》？我只能說玻利維亞天空之鏡、冰島黑沙灘、布拉格天文鐘都比台南景色吸引。佐藤健仍舊吊兒郎當，又愛又唔勇敢，錯失咗森七菜，又俾唔到長澤正美留下來嘅信心，婆婆媽媽，猶猶豫豫，要不是舊情人臨終一封信一張照片，仲係懵盛盛唔知點樣去愛點樣去勇敢爭取。佐藤健木木獨獨，而家又老又柴皮，都唔知點解仲可以拍咁多浪漫愛情片，我都係覺得佢做返浪客劍心算啦！長澤正美，角色矛盾，又想要又怕失去，正一女人，都唔知想點，演出唔討好！森七菜最青春最可愛最勇敢，但唔知點解有勇氣離開女控嘅父親，甚至勇闖天涯，居然唔去搵返佐藤健，足足蹉跎咗十年，角色「好深情」但冇說服力！高興嘅係見返老友竹野內豐（菜爸）同友坂里惠（佐藤嘅醫生同事），兩個都曾經係青春偶像，友坂仲睇得下，竹野已經變大叔啦！故事唯一提供咗一個關於愛情保鮮嘅指標，就係如果兩人keep住每日和對方分享啲各自所見所聞嘅瑣事，愛就可以繼續下去，否則，大家不再事無大小甚至無聊嘢，乜都噏一餐，咁大家可能已對對方冇感覺了，咁就無謂勉強下去⋯⋯最後片尾主題曲好好聽，如果有時間聽埋至走吖。

好平淡嘅一套日式愛情小品。主觀認為欠了一份愛的激情，客觀認為淡淡“憂”情可供細味，視乎觀眾點睇。全片拍攝、分鏡不俗，外國景拍得好靚。森七菜外型可愛得嚟楚楚可憐，唔錯。長澤正美外型同男主角唔係太襯，似姊弟多過情侶。