查無此人

此片係講述高端詐騙，係會發生在現實全世界每個角落每個人身邊，切勿錯過入埸觀看！！

導演開啟不少伏筆，可惜片時太短，只有80分鐘近，未能足以交代觀眾的懸疑，有點掃興。可喜的是，片中有不少新鮮面孔演員，題材貼地冷門，導演營造驚恐氣氛，但只是蜻蜓點水感覺，電影尚算完整。這類題材要求電影工作者更具創意和觀察力，類似電影如日本的那個男人~妻夫木聰主演。支持香港電影業，入院觀看。

雖然知道係低成本制作，但100%純港片，所以捧場一下。本片以盗取身份詐騙為題材，尚算新鮮吸引。可惜故事較薄弱欠緊湊，部份人物/劇情同故事主線毫無關係，例如租客女youtuber，擺地攤阿嬸同個女。另外三個神神化化妙齡少女觸摸地攤超人公仔後即時鬼上身般又反白眼抽搐又嘔檸檬茶，唔知做乜。女主角被五花大綁仍然能輕易KO色魔亦令我傻眼。不過本片幾個生面口演員演出喺冇其望下卻有不俗表現，比起一啲有知名度藝人絕對有過之而無不及，令本片有返一啲驚喜。

本片題材新穎，節奏明快，懸疑度亦高，前段各種看似毫不相干的情節，到後面神奇地串連在一起，而中後段有大膽情節，亦有反轉，而演員大多係新人，表現唔錯，尤其是女主角。4.6/5 (91分)

導演有啲貪心，加咗幾多無謂嘅枝節，例如換衫網紅、拾荒阿婆同個女及神婆鬼上身，都同電影故事嘅發展冇直接而不可缺少嘅關係，哩啲可有可無嘅情節可能只為塞時間，但都係拖拉到81分鐘，兩粒鐘都唔夠！到結尾人去樓空，又冇交代拾荒婆婆同網紅去咗邊度，或者係唔係盜取身份集團嘅成員。令人喜出望外嘅係一眾新演員，個個都恰如其分，無過無不及，唔覺生硬，都冇乜唔自然，當然故事膚淺亦唔需要佢哋有高難度嘅演繹。演員中只認得張松枝、黃定謙。孫立基導演手法流暢，冇乜冷場，只是喺劇本經營上要加把勁，要有長度和深度。不過電影亦起到《警訊》嘅警世作用，提醒觀眾要保護個人資料、小心私隱和不要貪唔屬於自己嘅東西！但結尾講到謀財害命嘅包租公集團好似幫社會「燒除」垃圾同人渣咁，價值觀似乎有啲問題，黑錢洗過都係黑錢，黑吃黑之後都唔會負負得正！

導演之前拍過熱話的《3D肉蒲團之極樂寶鑑》等等。有傑作前車可鑑，今次套戲算是食正疫情過後，騙案更加猖獗的時間。主題可能太顯着，入得場的觀眾可能預期有特別反轉。因為無申請政府資助，電影心思盡量放在劇本上。好多作品都有出演的型男 #鄒文正 今次作為男主角可疑劏房包租公兼獸醫。望上去正正經經，言談間逐漸感受到不妥。由開始就大致估到這個包租公/獸醫就是奸，所以又不算太有驚奇。與女主角在天台用骨灰餵飼白鴿這個伏筆，這個去到尾都有解釋而且令人心寒。如果可以再更衰格就先至令人記得住。女同性戀女主角開頭無端要出走租屋就有種神秘。有好多事情收在心裏，比起隔鄰更加不知目的。因為疫情時拍攝，再配合其劏房，有場用投影機將心裏活動呈現在女主角背後又幾特別。不過就是神經質的師奶鄰居其實實質作用不明，純粹用來輕吊吊懸疑氣氛。玄靈成份亦有點格格不入，神化鄰居阿嬸/通靈少女兩人還好只是曇花一現接觸一下。最有印象反而是去引人上房的 #陳善渝 ，又誘人但又經驗似的，一時被她迷惑這個人職級上好似還在獸醫男主角之上。而其他素人演員就表現有待加強。電影都有明顯勾出被偷身份的後果，以偷借身份的方法亦比想像得多。收購舊樓作假宣誓來取得業權這個分支都幾駭人。而當男主角發現盜用的身份有問題不乾淨，都還有法子去「用盡」真係睇到硬曬拳頭！總之就是身份證不可胡亂公開或給予他人。好似戲中灌醉就偷到渣都無，任何帳戶密碼、電話簿都一秒擷取。有心人設局的話，有FaceID都幾危險，或許便利與安全要有所取捨先得。雖然是講科技犯罪，不過門檻似乎都幾簡單呈現上，人性可能才是個漏洞。