搗破法蘭克

套戲感覺只係電影系學生畢業作品級數，甚至幾個YouTube channel例如《試當真》《香城映画》啲短片（當然短片同電影係兩樣野）都比佢高質，無論燈光、拍攝手法、剪接全部唔合格。只有音樂同故事係比較特別，幾欣賞音樂突登用首本土rap歌；而故事唔洗多講，本身都係吸引先會集資成功。奈何拍一套電影唔係咁易，可能製作組太低估電影嘅拍攝，感覺係因為集資成功洗濕個頭，而且又有金主爸爸係到左改右改，先會拍左套「咁嘅級數電影」……本身咁「咁嘅吸數電影」我分數唔會比到啱啱合格嘅2.5分，不過電影其實食正政治光環，而謝票場嘅大家睇黎都唔太明個結局，幾條問題都係問呢個開放式結局，而導演都答得就住就住。係今時今日嘅香港，「明就明，唔明就黎明」，我反而幾欣賞佢拍到個結局係咁隱晦，因為電影某程度上都反映現實，咁多人唔明但同路人會明！想同導演講返，雖然你拍得有待改善，不過，我又真係明你想講咩喎，總之就繼續加油啦！

故事橋段新穎一班年輕演員都做得出色袁富華亦交足功課故事前中段雖然有啲散亂但都拍到一啲懸疑敢可惜虎頭蛇尾得好緊要下唔知係咪因為budget定咩後段突然趕收工咁好多嘢都無乜交代就草草收場有啲可惜

《搗破法蘭克》（Smashing Frank）香港本土械劫片 拾陸比玖出品及製作，試當真聯合出品，蔡康凝編導。話分兩頭，電影有好好嘅地方，亦有有待改善之處。但何不待人以寬？我最近領悟我為何喜歡電影，除了進入異世界、紀錄歷史、有共鳴等等，戲院一刻係超濃縮嘅時空，人家用幾個月，不是一個，是數十個日以繼夜拍成一套88分鐘電影，你入場即贏了許多人的「生命」（爛片拿丟你生命？都是你一個⋯ 多你一個唔多⋯） 所以我讚向先讚後彈。6-7分，值得入場支持。不過前題是你要知道這是重新包裝的劫富濟貧故事，給年青一代觀看的。如果不喜歡YouTube、流量、年輕人的表達（其實演員都過30了），這套電影未必適合你口味。我說過好電影鐵三角：導演、演員、劇本身為編導蔡康凝責無旁貸，但人家第一次拍需要累積經驗，其實已合格有餘其他如監製 甄峻賢；動作指導 梁博恩 不過不失。你沒可能期望Heat《盗火線》劫案的逼力吧？難得是眾籌，要多多支持下。明顯我不是最前線，因為眾籌時好似無文人谷見過。否則我都會比錢支持開拍。讚位：打劫兔仔頭美指又型又荒謬，有較突顯現實矛盾，尤如黑夜之神（2008）中小丑面具易曲同工之妙最最值得入場支持，就係演員這一環：談善言　飾　紀月，「法蘭克」成員。我《點五步》認識她，現在貼身衫週圍走 時髦 有有型。她正義感作祟也算解釋得到。林家熙　　Hugo，「法蘭克」成員 (焚城、誤判、麻雀王追女仔）原來已拍了這麼多套戲⋯ 岑珈其　　陶俊，「法蘭克」成員扮傻仔扮得似有些笑料都是他帶出來的楊偲泳　　Chelsea，「法蘭克」成員 第42屆香港電影金像獎 最佳女配角 毒舌大狀 方⋯ 靚到我認唔出他曾演大狀呢！袁富華 不用解釋了吧。由周處除三海的香港仔，到三命中風老父，現在是權貴⋯ 楊偉倫 牧師呢～加插廣東話YouTubers和新人客串，有趣有趣。配樂謝子謙⋯ 廣東歌hip hop rap正 《深水埗》攝影龐浩威 新新代短片拍攝手法剪接 天下一（？）黃海、李沛耀 未聽導演專訪，個人感覺天下一和試當真幫了許多吧新製片商 拾陸比玖⋯ 希望有後續進步空間 （微劇透慎入）題材難寫，昔日羅賓漢⋯ 那時無大數據，無5G，無停車場車cam，無一街CCTVs，無天眼燈柱（唔想叫智能）還有偽VPN⋯ 你出街如「剝光豬」一樣，那怎劫富濟貧呢？另一個先天不足是，香港太細。如果有愛潑斯坦的性愛島，diddy的大豪宅+地洞+1000支 baby oil… 其實故事放在外國一切都很合理，但一放香港就露餡。就是這些先天不足，由一開始如果，已經沒有如果。第一章已變成最終章，因為大家都會知道結果沒戲唱了。88分鐘電影，1小時後車內對話氣氛帶不出來。楊偉倫問「可唔可以俾我食口煙？」 另一個例子岑珈其擁抱楊偲泳那裏，是有少少反轉位，但同樣帶不出X X的氣氛。　搶劫電影，其中重要一環就是情義兩難全；或者是分贓不勻狗咬狗。沒有X X，就不好看了。免劇透，這裏不講了。還有最終戰沒了，我相信是因為資金有限。對家的殺手，如果和女主角談善然來過窄路相逢，大打出手，留下半條人命的女主角（boss fight10分鐘內，甚至cut短做5分鐘），故事會比現在更全面、結局更震撼。總結，為支持新導演，新演員以及一眾好演員。值得入場。

19/4晚睇嘅，阿談做完虎毒不謝票，突然亂入講咗兩句，拍搗破法蘭克好好玩好開心情節上令小弟諗起共濟會光明會骷髏會呢啲組織題材幾過癮談善言 吳家熙 岑珈其 楊偲泳+YouTuber睇得到佢哋拍得好開心好玩唔劇透喇入戲院支持啦

《搗破法蘭克》影評 by LKL純支持一下香港YouTubers，加油。評分：★☆☆☆☆

緊張… 年輕…熱血…