女士復仇

港產片有時頗令人失望的，拍片、故事…甚至是橋段有時都是“馬馬虎虎”，不願做到極緻的處理，這套“女士復仇”…又是基於幾個陳舊的觀念，如：男人花心、女人被迫瘋、不可小看女人、小三滿街…這些咁老套的橋段真的令看港產片的觀衆有點失望，對於大衆的評分不高亦是有點原因的…但我從另一角度去看，認為仍有一些值得欣賞的趣味、如 : 三女無端端爭一男，但三女都以殺手和特警既身手為背景，咁套電影就由“平民”既爭執變得很“特務”，幾有趣幾搞鬼吓，前段誇張既爭“佬”情節，有啲新意，重利用沙田“龍華酒店”做困獸鬥的三女互拼生死，好好玩兼有綽頭，但三女打鬥時的姐手姐腳利用鏡頭避重就輕，呢啲就係港產片馬虎的失敗…去到中段竟然變奏似“驚慄片”，幾個殺手、特警竟然俾個好似不打死既“變態恐怖家庭”搞到幾乎全軍盡墨，真系想講句有冇搞錯，情節變奏得極不協調…有些情節的不合理無厘頭，例如是特警殺人後，竟然冇警方追究不用逃亡，個男主角由頭到尾只知叫“DAVID”，根本都唔知佢有咩吸引力，不過算把啦，開心睇套電影啫，唔係高要求產品…入場其中一個原因係對三女既感覺都唔差，特別係周秀娜，響電影內外對佢既感覺唔差…三女表現算可以…我肯俾高小小分…三星半

三個女主角都做得幾好！

Cult得黎好癲癲得黎好喪喪得黎好爽導演拍得過癮，演員又演得放，觀眾自然睇得開心間中睇下呢類型電影都唔錯

包裝為塔倫天奴的B Movie格局，但沒有B Movie的神髓，內容只有淫而不樂的元素、未夠癲喪的暴力，比起前作<<老笠>>差好遠。劇本極空洞，題材係好，借用女人角度去平反一切的不公平，所謂的復仇只是空口講白話，大部分只睇到一班人係間極舊酒店裡進行無謂的廝殺，復仇之話只出現最後數分鐘，先知原來已到結局，真心覺得唔知做乜。只能夠讚的是Opening 字幕設計以及鄧麗欣另一面的演出。

很新穎的風格fusion，有少少怪，相信火火可以拍得更好。尤其欣賞 KB 好交到戲。

拍出港產片少有的風格，而且拍得流暢，大師都未必有咁揮灑，鄧麗欣本年最出色一套。