信用欺詐師JP: 香港浪漫篇

個人覺得套戲是不俗和賞心悅目，首先這套中的香港比較於荷里活大片眼中的香港真實（最少沒有鰂魚涌後是桂林、灣仔有水泥廠和柴灣有核電廠等脫離香港現實的），雖然有點沙石（明顯是馬場，他只是取了外形，當中有片段是日本賽馬、而包廂也太假）、醫院、機場等。有些夜景的燈光也太誇張了，但當中也很多細緻位和小道具是加分，例如垃圾桶、維他水、克警（尤其是有玩一哥，但在睇時想笑但笑不出）、示威和冰姬（影射林特）等。這樣已經令套戲貼地。而戲中所出的譚仔式廣東話也是好笑。PS:他們拍益豐大廈的一段是整套戲中最亮麗的一段，而在糖水街的一小段愛情戲是充分以香港特色來拍愛情片良好示範。而故事推進上，個人覺得是好睇，最少好睇過同類型的圓美大盜。繼續行誇張風，而這套作為SP，導演在頭也刻意從新將角色的性格再寫一次，好讓給未接觸過的觀眾有基本概念。而推進上的局中局也是玩得精彩，個人覺得這個SP的故事設定有點像以小甜甜和光頭陳的故事作藍本（富商和風水師，和有愛情騙子元素）。長澤正美依然精彩，似乎誇張風合她。痴·影·夢·藝 X 的專頁 https://www.facebook.com/ckwunmovie/

電影以喜劇方式去表達騙術，幾有趣。片中的騙術高手，深諳人的弱點，輕易取得眾人信用，過程是浪漫的，手段是輕鬆。騙徒喵準了大魚後，都會對目標進行大量資料搜集及分析，充分了解，務求達到控制這條大魚，蒙其心智，進行掠奪。電影輕鬆搞笑，以香港做主要場景，但對香港人來說，除了熟悉外，此刻有D傷感。誰騙去我的繁華盛世？

暫時呢套係我睇過最好睇既欺詐類電影，詐騙玩到好大，過程絕無悶場之餘仲好好笑，劇情峰迴路轉，未到最後都唔知係邊個呃邊個！中後段竟然有感動位！女配角永遠都係揹住個背囊，好可愛！女主角就...長頭髮靚d咁囉~最尾結局同首歌再加多一分~想睇返上一集！p.s. 點解d"香港人"廣東話都係怪怪地，好想笑~段估都係日本人扮嘅！其實場景係唔係香港唔重要，當多樣野笑下就得，唔洗太認真對待~4.8/5 (95分)

精彩绝伦笑死人 新篇章

《信用欺詐師JP：香港浪漫篇/The Confidence Man JP》睇到三分二至知係從頭騙到落尾，編劇都算用心經營，但係感到扭橋情節扭到有些過火搵戲嚟做，有啲突兀顯得無聊，長澤正美演出雖然誇張但總算可愛，香港取景倒有些親切感，不過全部由日本人扮香港人演出，就有些怪異！

整部戲多在香港取景，所以睇嚟好有親切感。成個故事由五個主綫人物穿插而成，就係：長澤正美、東出昌大、小日向文世、竹內結子同三浦春馬五位，另外江口洋介演黑幫老大，戲份較少，佢哋全都演出精彩，故事佈局巧妙，計中計，局中局，個ending頗令人意外。戲內有不少搞笑鏡頭，有啲略為誇張，但亦係為咗加強戲劇效果。較喜歡睇日本藝人，因為佢哋唔會好似韓國或中國啲藝人一窩蜂去整容，搞到個様好硬膠。日本始終係較有文化內涵，電影亦如此。