愛．憾事

大橋還可以，可惜編、導、演執行上皆失敗，拍唔出應有嘅感動同窩心。首先故事劇情鬆散唔流暢，"一忽忽”咁，攝影同剪接又麻麻，睇得好唔舒服，好多場口設計同處理奇奇怪怪，又拍得唔好睇，亦即係講故事技巧唔好。角色塑造亦失敗，全部都流於表面欠深度，人物個性單一冇變化，角色情感轉變話嚟就嚟，毫無說服力，重要講埋好多唔係人講嘅對白，好"ang"耳。可以咁講，片中冇一個角色塑造係令人覺得喜愛或同情。選角同演員演出亦有問題，主角母女外型完全唔似母女，演出亦唔似母女，觀眾難以投入。男教師演譯角色戲假到無倫，而且個性飄忽，一時唔認個仔，過兩日又話好愛個仔，吹脹！阿媽死老公冇耐，咁容易又話愛個男教師，又唔理個女感受。個女一日到黑發姣要送豬，個男仔好想食豬但又扮高尚情操。睇完套戲只覺得係一班愛情飄忽，自私虛偽，自己都唔知自己做緊啲乜嘅人嘅胡渾事情，果啲要表達嘅什麼愛情遺憾、母女情/茅盾等等就完全表達唔到，冇嘢感動到我，重令我想講粗口。整體我認為編、導、剪皆 fail，演都麻麻，所有嘢都堆堆砌砌，流於表面，一啲都唔 touching，2⭐係比幕後美術、燈光、佈景、服裝同茶水。PS • 好耐冇睇過一套咁難睇嘅電影• 要彈嘅嘢太多，未能以文字盡錄• 美國人嘅愛情觀同價值觀我真係識條鐵🤣🤣🤣• 我估原作小說冇咁差，應該係導演執行上唔掂

戲中嗰個“秘密”觀眾早段就知道，更加睇得出呀女對真相嘅誤解造成嘅影響，呀女mckenna grace好靚女而且真情流露，到後面亦都相當窩心感人。4.7/5 （93分）

喂～轉眼間18年後，個樣同髮型好似都無變過既？！電影劇情好大路，一聽到個意外都知咩料，點解其他人會無諗過？而個女對阿媽既誤會竟然聽佢講兩句就化解左？！都幾兒嬉地趕收工。整體就一部非常普通的愛情電影，大人條線是錯過時機，二人多年來就只差一句話，少少老土。反而後生條線睇得幾舒服，以為係渣男但又完全無喎，仲好深情，反而個女仔渣啲，但其實又係好青春，好自然既反應。雖然故事劇情真係一般，但四位主角組合係幾吸引。Dave Franco同Mason Thames今年好多產，呢次角色情深款款的形象相信迷倒唔少女觀眾。Allison Williams繼MEGAN後再次獨力湊女，情感演得到位。而Mckenna Grace演出亮眼，原來係童星出身，之前睇過唔少佢有份演出既電影，但無乜印象，今次有（應該有～）觀影平台: Pacific Place Movie Movie IG : AndyMyFilmography/ #AndyMovieReview

有《錢財心愛物》《玫瑰夫大戰玫瑰妻》《白日夢接夢》呢3套探討「愛」嘅電影「珠玉在前」，同樣講鬼佬愛情觀嘅《愛·憾事》即刻被比下去。《愛·憾事》整體感覺係愛情爆谷片，帶唔到咩深層意義比觀眾，主角母女最大矛盾都係一個好鬼老土嘅「唔同你講係為你好」秘密；而且全套戲劇情一啲反轉劇情都無，完完全全四平八穩、毫無驚喜；結局亦係TVB式BBQ Happy Ending，成套戲無野好講。當然套戲無論劇情、剪接、起承轉合都係普通水準，拍得又唔係話太差，算唔上伏。人有各種原因搵戲睇，呢套戲其實幾適合情到濃時嘅情侶，開開心心、唔洗下下探討「愛情」咁食住爆谷睇囉。始終《愛·憾事》除左兩個明顯用黎襯托嘅配角，所有角色顏值在線，年輕情侶男女主角甚至可以用「好撚靚仔/女」黎形容，非常賞心悅目。情侶睇完仲可以甜住去下場……而且係少數愛情片會母女丼愛情線雙線發展，母親角色竟然唔係淨係拓起女兒條主線，呢點應該係套戲最大嘅驚喜。不過呢套戲平淡無奇，毫無記憶點，相信好快會忘記。

繼 “It Ends With Us” 後，這部改編自Colleen Hoover的小說令我感到失望。並非幾位演員演得不好，而是我實在不易接受片中有點難以想像的美國愛情觀。不過，若你家中有正在成長的兒女，我建議你進入戲院了解一下，有所準備。