超風

4.2⭐提材、表達手法都幾大胆, 電影富藝術感之餘亦有共賞性, 能取得平衡，結構完整流暢，觀影過程觀眾亦有好大嘅思考空間。電影中主角超風係一個悲劇人物, 角色塑造全面, 演員演出亦具感染力，能打動觀眾。其他角色/演員亦演出到位。整體電影具可觀性, 亦具參展/爭獎水平。

果然係翁子光嘅作品，拍得非常有藝術感，意識大敢、性愛鏡頭有必要亦無過份賣弄色情，配合到一個性別認同障礙嘅人黎到香港嘅困境。電影用返一貫《爸爸》、《踏血尋梅》「翁子光式」剪接拼湊出超風由初到香港識到男朋友嘅「女士」、渴望完成變性手術、到發現自己都可以用返一直以來拒絕嘅男性陽具達到性興奮。成個超風嘅人設非常完滿，人物成長曲線極高；而今次《超風》嘅剪接屬於比較高明，我覺得係3套電影中最好，呢種「翁子光風格」電影已經成型，期待佢下一套佢品。電影題材、話題大膽、主要演員無個識，只掛住翁子光個名同梁朝偉睇到瞓唔著嘅朵上映，恐怕電影都唔會太收得，未能去到《爸爸》嘅票房。我個人認為呢套係一套出色嘅作品，可惜係香港呢個地方，呢種題材注定小眾。有意思嘅係，電影中超風黎到香港咁保守嘅地方處處碰壁，片尾甚至有同類變性人講明泰國比較開放、生活得開心；但剪接方式令觀眾知到，如果香港屬於保守，超風之前生於中國對於佢呢種人黎講更加係地獄。所以就算故事唔算完美，對係香港生活嘅超風黎講應該都算係good ending吧，成功完成左自我救贖。

“你到底係證明俾自己睇，定係俾人地睇？”“人生就係不斷認識自己嘅過程。”“俾自己少少想像力好嗎？”“想像可以令人心靈更自由。”“香港地就係咁，人來人往。”超風由內地來香港，渴望成功變性成為真正嘅自己，並且遇上染上毒癮的男友。同一時間，她在香港生活也遇上其他跨性別人士及性工作者好友小梅。即使她在香港能夠轉變自己的身體性別，過去長大悲慘的回憶逐漸呈現，到底她是否得到自己真正所渴望的自由和身份性別認同？睇電影 超風 嘅觀影過程入面，不知不覺觀察到電影入面有翁子光導演舊作：明媚時光、微交少女、踏血尋梅、風再起時、爸爸 嘅情節手法影子，用非常仔細入微又細膩嘅拍戲描寫手法拍出戲入面主要角色嘅內心矛盾處境及角色特徵，寫實拍出戲入面跨性別性小眾、性工作者、社會邊緣人嘅生活處境。值得大讚一眾主要角色包括劉語喬、李雨蓒、孫禾頤皆好自然演繹出其角色嘅身心靈情況及角色特徵。同時，都想大讚電影嘅色調同鏡頭運用好切合電影劇情發展同情節處境。

屌，戲院幾時禁膠袋？

近幾年翁導算係最多戲上既導演呢部比起啲大片終於回歸正軌希望往後電影保持到水準選角很好，內容正常，可以支持

香港表面上好似好自由，實際上十分保守，未必個個都接受到《超風》這套講跨性別的電影，但放開眼界後，就會發現這電影是翁子光最能手的拍攝類型 ── 剖析角色的內心世界，跨性別這個話題已經不是大眾熟悉的話題，從電影中了解跨性別人士的內心世界可說是十分新鮮的事。主角超風是新來港人士，本身是一個「跨女」，一個男兒身卻想做女性，來港希望賺多一些錢完成性別肯定手術，期間認識一個有毒癮的男朋友阿變，之後更認識好友小梅，超風糾纏在男女之間關係，中間也加插在大陸生活的事，描述超風的世界十分複雜，看完電影後需要一些時間消化劇情。電影預算不高，據報導只有百多萬港元，但以這個預算拍攝接近兩小時的電影又十分神奇，而且使用場景不少，相信不論導演還是演員都是帶著熱情拍攝這套電影。另一個驚喜是飾演超風的劉語喬，未看電影前對她毫無認識，看完整部電影，真的以為她是一個「跨女」，後來才知道她是一個女演員，所以我認為《超風》是值得入場一看的電影，看看一個女演員如何將一個「跨女」員色發揮得淋漓盡致。