秒速5厘米

3.8⭐衝住真人版上映，特登安排琴日先睇原作動畫版，今日先再睇真人版。老實講，動畫版先入為主，而且動画喺畫面同意境表達上比真人電影更靈活、更多變化，會更有優勢。再加上動畫人設外型為動畫度身訂造，觀眾自然會睇賞心悅目。話雖如此，真人版亦有其優勢，就係其真實感，拍得好觀眾更能夠情感投入。本作真人版完全 covers 動畫版第一集桜之抄同第二集太空人內容，只係劇情編排上有所調動。而整體算係能夠將動畫版各大名場面同鏡頭忠實呈現，觀眾能夠以寫實畫面感受返動畫劇情。而動畫版劇情大部份亦有搬到真人版。所以整體劇情同畫面算係能夠忠實還完動畫版。然而，一套77分鐘動畫拍成一套133分鐘真人電影，當然除咗將節奏拖慢嚟拍之外，亦加咗最後太空館嘅新殺科劇情。呢部份我覺得好壞一半半，好嘅係令男女主角結局更清晰，無需想像。壞嘅係令動畫版結尾比觀眾嘅想像空間冇咗。喜唔喜歡就見人見智。呢套真人版我要彈嘅係兩男角選角，外型面相唔吸引，演技亦生硬，木無表情就叫做戲。男童演得重好過佢哋。整體嚟講本作係一套可以入場嘅動畫真人版電影。PS. (可能含劇透)• 個人還是比較喜歡動畫版，劇情推進爽好多，真人電影版比較日式文藝，慢條斯理，要好有精神先頂得住😅• 男角選角唔掂，但3女角選角唔錯，尤其演學生果兩個女童/少女，外形甜美• 真人版最鍾意係太空人果part，因為色演澄田花苗果個少女演員外形同演出都好有動画版角色嘅特質，而真人版拍攝亦還原到動畫版味道，除咗男主唔掂之外• 成年男主角女友果條線有點多餘，最後約出嚟比番把遮佢更加多鬼餘 🤣日本地方大，唔同香港，約出嚟交收把傘，之後乜都冇發生，真係費時失事。🤣🤣🤣• 真人版亦有播出動畫版主題曲👍• 整體都係prefer動畫版多啲

我本身就好鍾意動畫版嘅《秒速五厘米》，估唔到真人版除左完美還原動畫版外，仲係動畫版原本只有3段故事嘅基礎上，額外補完咗唔少劇情，令到成個故事更流暢。1. 新增男女主角兩人共同認識嘅角色，令雙方幾次都無緣錯過左嘅感覺更重2. 本身「太空、流星、宇宙」感覺只係新海誠風格嘅野，原著動畫嘅「太空」設定對劇情無乜影響；真人版補充返男女主角嘅職業背景，由其男主角嘅職業有套用返落故事到，「星空」呢個設計變成成套戲幾主要嘅元素3. 加入「約定」呢個元素幾好，男主角學識「踩出車廂」，一度以為會同原著動畫結局唔同，點知最後結局都係一樣；原著男主角女友水原劇份加重，結尾都有返水原出黎作首尾呼應，重點要呢個補充令到男主角「放下」、學識繼續前進嘅進步更大以上3點電影版嘅擴充劇情係我覺得最好睇個3點。真人版整體感覺唔錯，該致敬嘅位有致敬到，由其無得罪原著黨，原著有出現嘅名場面幾乎無改動，我認為係一個合格嘅改編。可惜應該有觀眾無睇過原著，可能都唔係新海誠Fans，電影版講嘅野「對初戀嘅執念」、「學懂放下」、「繼續前進」等都拍得比較隱晦，例如我後面對情侶完場時就話：「都唔知套戲講咩？」另外原著最經典嘅播住《One more time, One more chance》再用蒙太奇手法穿插主要人物過去、現在嘅片段無出現到係比較可惜，首歌咁好J只要用另一種方式播出黎，雖然比較有新意，但我就鍾意原版多啲！總之我作為新海誠Fans係非常滿意呢套戲嘅改編！唔算慘遭真人化！

電影節奏慢卻舒服，令人在觀賞時有大量時間思考和感受畫面唯美，多個經典環節甚至歌曲也用了較現代化的方法呈現，實在唔敢相信一套動漫拍成真人版竟然完全冇違和感更重要的係被重新感動，重新思考這套動漫想帶出的信息每一次睇都會有不同的感覺，真是神作

#秒速5厘米 #5CentimetersPerSecond #新海誠 #MakotoShinkai #真人版大家好，我是 Wild Wildy！今日想同大家傾下呢部將無數人心碎回憶實體化嘅電影 —— 看動畫(2007)我沒流馬尿，反而真人電影我有喎。本身不打算看，因為不想破壞我心中動畫的美，但現在看完真人版也很不錯。《秒速5厘米》是新海誠繼《星之聲》和《雲之彼端，約定的地方》之後的第三部商業大動畫，亦成為了他首部真人化改編電影。作品改編自新海誠 (Makoto Shinkai) 2007 年嘅同名其中一部神作。當年新海誠憑住呢部片奠定大師地位，今套原來有講隕石EV1991，亦為之後災難三部之首 隕石撞地球《你的名字》(有時人太接近會引發災難嗎? 舉例一腳踏兩船)。真人版由奧山由之 (Yoshiyuki Okuyama) 執導，主演包括鼻高高的松村北斗 (Hokuto Matsumura)。這非二人首次合作，《鈴芽之旅》由松村聲演「關門師」宗像草太。日本妹女主角們(森七菜、木竜麻生)個個都靚。講數據先，目前網上評分：IMDb：7.4 / 10Rotten Tomatoes：82% (Audience Score)原動畫 Imdb 7.4 ; rotten 未有 觀眾滿意度套戲我喺十九年後重睇，喜歡依然。劇本結合咗兩小無猜嘅純真同埋成年人世界嗰種無奈與力感，以下觀後感，先讚後彈：視覺還原度極高： 動畫版最勁嘅地方係將日常平凡嘅畫面推到極致嘅靚，而真人版真係盡晒力去還原嗰啲美景。雖然現實同動畫嘅「美」始終有一段距離，但製作組喺取景同調色上真係落咗重藥，令到每一幀都藝術品級數 。象徵符號環環相扣： 呢套戲最深刻嘅係佢啲 Symbols同樣地 玩得出神入化。複雜但又工整。由細到大「距離」呢兩個字貫穿全片：細個搬屋之後隔開幾百公里嘅距離、大個咗辦公室同事之間嗰種疏離感、火車軌兩邊對望嘅距離，甚至係戲入面提到地球同月亮、地球同探索者號之間嗰種無盡嘅孤寂，全部嘢都密不可分地緊扣。兩小無猜： 真人版喺處理童年部分做得好有力。嗰啲堂上傳紙仔、一齊喺部舊式外賣飲機買嘢飲、一齊等放學，仲有講極都講唔完嘅話題（當年仲未有 WhatsApp 呀），嗰種純粹真係好扎心。尤其係嗰句「不想成為自己討厭的大人」，真係睇到中佬都心酸。情緒爆發位： 我自己有兩三處真係想喊。特別有兩幕：中學女同學知道男主角沒有看過她，在沙灘自己痛哭，旁邊嘅聽着DJ的情話。又矛盾又痛心。另一幕一係火車站內喪等嗰一幕，我到依家都仲好記得。當小童星（澄田花苗？演明里）拉住貴樹衫角不發一言咁流眼淚，我真係忍唔住一齊流「馬尿」。小朋友嘅感情有時仲易感動人，因為佢哋冇成年人世界嗰種只係諗住傳宗接代嘅衝動，只有最直接嘅掛念。舊電話的復刻，很有意思。彈：演員顏值的「適應期」： 雖然真人版搵咗型男美女演出，但大家要知道動畫角色通常係眼大大、面尖尖，變咗真人之後，我自問真係要少少時間去適應真人版嗰對「小眼睛」。雖然演得好，但視覺上同動畫版嗰種極致美感始終有陣「次元壁」。畫面刻意模糊化： 導演可能想營造一種懷舊感，帶大家返去 90 年代或者 2003 年嘅感覺，所以好多鏡頭都刻意做咗模糊處理。但我個人覺得呢種做法反而浪費咗日本咁靚嘅實景，有啲位模糊到令我覺得好似眼鏡污糟咗咁，唔係咁討好。本身能令我哭是難能可貴的，但因為個緣故我會扣到7.5分。CG 效果略嫌生硬： 其中一幕講天空有流星劃過，唔知係咪唔夠 Budget 定係風格問題，完全冇咗動畫版嗰種壯麗感。閃到好似有人喺度用閃光彈咁，成個氛圍即刻扣咗分。一些節奏依舊挑戰耐心： 我有朋友同我講話唔鍾意呢套戲，覺得節奏太慢、太悶。重睇真人版之後，我雖然依然好鍾意，但都明白佢哋講咩。如果你唔係嗰種鍾意慢慢品味導演嗰啲複雜象徵符號嘅人，你可能會覺得啲畫面拖得好長。另外有人彈故事的張力是他們自己自找的其實繼續聯絡有什麼不可？這回我重看後仍然覺得劇本是合理的，因為人生機緣制會有時不是那麼如意。能重遇人的機率可能真的只有0.0003%。我有一個二千年失戀的小學好友，有一次竟然街上撞上他難得拿了手提電話怎料轉眼間電話丟失了⋯ 因此又失聯至今。反而長大後女主角明里的絕情我就太太明理，但重看原來火車關門一幕開「希望你好好活下去」，其實已清楚交代一切。不過女主角連買飲品也優柔寡斷，竟然對青梅竹馬的愛情可以這麼決斷斬情絲？這實在令人懷疑。也是劇本最大的死穴。總括嚟講，好電影唔係就係要感動人咩？愛情電影追求嘅唔係就係嗰份距離感咩？錯 Timing、緣慳一面，呢種留喺心入面好耐都平復唔到嘅痛，正正就係《秒速五厘米》最迷人嘅地方。如果你想搵返嗰種「扎心」嘅感覺，呢部真人版絕對值得睇。#WildWildy影評 #秒速5厘米 #日本電影 #新海誠 #真人版電影 #影評

答案就係傳統日本愛情片嘅慢節奏。故事略有改編並加入太空元素，整體故事平淡但流露出孩童時期的純真。4.5/5 （90分）