暗殺風暴

佈局懸疑，多線發展，析解結局尚算精心設計，但故事情節推進嫌過於明快，手法平舖直敘，未能激動大腦，乏創意。港產槍戰動作普通，可幸是久未露面港演員閃現銀幕充作綠葉，如：佘詩曼、羅蘭姐、黑仔文……。

我膚淺....案情真係太複習太零碎, 牽連又太廣了, 我R哂頭🤢...我真係冇資格做差佬😅編劇要度呢單大Case都辛苦🤣🤣🤣而世事都給張智霖十年後先至突然機智看透了, 並臨尾快速解釋哂案件細節... 欽敬欽敬！(十年前佢on99？)正常觀衆絕對只有一舊雲...多謝神探張智霖講解！🙏....其實佢講解完我都重係一舊雲😅全片我只懂欣賞卡士(包括配角)同開頭果場Parkour (拍得唔錯👍)。

如題，打鬥戲唔多，基本就係一直查案，或者準確d講係被darker玩到團團轉。中後段反轉好多，劇情相當精彩，但解釋得幾清楚，集中精神睇應該睇得明。4.4/5 (88分)

大陸近年湧現一堆網上小說家作品多數夫子自道自high 自作聰明自以為是自命不凡更多以為可以自圓其說但其實唔可以就如周浩暉哩個故事既然周志浩唔係DarkerDarker冇病冇痛冇殘 做乜要丟低鄧驊豹隱十年後先履行十年前發出嘅死亡通知單另外哩個替天行道主持公義嘅大計劃Darker需要龐大資金 情報網絡 大量人手但其實只得一個詐死嘅前警察及其線人刀疤會唔會太過神通廣大呢另外如果Darker只係幫鄧驊嘅對頭做事咁十年至殺到目標 金主會唔會早就唔耐煩呢最後既然暗殺成功 辛苦十年終於完成任務收埋尾數咁仲發死亡通知單俾羅飛做乜呢 多嚿魚咩收錢暗殺嘅殺手做乜咁揚 要發通知單明殺呢有違行規同專業操守喎哩啲網絡小說我從來唔會課金嘥時間去睇因為只適合啲未見過外面現實世界嘅御宅族九把刀鍾意寫愛情小說但用情不專 假情假意贅婿呀慶餘年呀都建基於馬後砲嘅先見之明可憐追捧嘅粉絲都係入世未深嘅天真青少年哩啲古仔睇得多嘥錢嘥時間而且腦退化你會問「咁你又俾錢睇哩齣戲」我俾$25+兩粒鐘啫而且我借題發揮鬧網絡小說呃錢呃細路都要有憑藉㗎不過電影卡士都真係好吸引影帝都有四個 古仔 鎮宇 呂良偉 任達華視后兩個 阿佘 胡杏兒 影后羅蘭 最佳男配角黑仔其他嗰啲張智霖蔡翰億娜姐⋯⋯加加埋埋勁過賀歲片片中最重要嘅角色係張智霖飾演嘅羅飛佢係事後孔明 憑推理幫觀眾解畫因為Darker係上帝 全知全能 一切盡在掌握如果唔係羅飛做使者 扮上帝嘅作者點自圓其說呢

Darker想去暗殺的動機其實頗片面。好多高層大粒都有落決定過做所謂的「罪行」，正如戲中記者講到個個都有問題，難道個個都要死有餘辜？去到知道真相，原來這個神秘私刑者無預期中正義。#胡杏兒 一開頭就炸死了，還以為主角光環會免於傷害。然後就思考她這個角色會如何出現，會是回憶殺之類？而男主角 #張智霖 解答這個問題，就是像《神探大戰》那種「幻聽」將其的思考過程現實化。而炸彈位其實都頗悶且重覆。還玩紅藍線選擇題那種老套橋段。不過最後事件解決，胡杏兒消失的確釋懷了。就是知道古天樂這種角色，不會如此簡單演個拾荒者。除了句句粗口，果真其然其身份並不簡單。不過導演同期另一作品《掃毒3》，有種「邪不能勝正」的主題，今集就有種不明所以。人皮面具又是最懶跟失望的橋段。作為case-in-charge的 #吳鎮宇 一直都看似不上心對這個案件。幾個伏線幾好，去到其珊珊道來一切真相實在太多，一時間消化不到。一直以為的IC原來就是錯手殺夥計，再將錯誤推給犯人的人。而Darker也只是因為報復而行凶。總體演員都是為人熟識，大多都是以前TVB電視劇常客。但是印象上只有演地產商的 #吕良偉 真的活演有錢人高高在上的姿態，其他都是雞肋角色。開頭的屋頂追逐戰都幾驚險，雖然可有可無。受於多次延期，對比現在正式上映，拍攝時的香港還可以示威、不用實名登記用太空卡，有種平行時空的感覺。

改編自推理小說《死亡通知單：暗黑者》，懸疑電影《暗殺風暴/Death Notice》。於某個城市，有暗黑者在發放「死亡通知單」將會在何時以何罪名向何人執行死刑，即使收到通知單的人報案或要求警方作岀貼身保護，該組織照樣仍能突破重圍，輕而易舉地手刃受刑人，Darker的出現引發出連串離奇兇案，警方為此而成立項目專案小組，然而每次緝捕行動皆失敗而回，只能眼睜睜看著殺戮發生，在探案過程中發現了背後的更大陰謀，隨著案情的演變，一個驚人的秘密即將被揭開。Darker殺人者手法層岀不窮，多樣且出乎意料，凡收到通知單的人無論怎樣加強保護都無法逃過劫難，必在通知單內的年月日死亡。 動作片導演邱禮濤近年的作品均以大型爆炸場面見稱，有咁誇得咁誇，香港的大型建築差不多都給他炸個稀巴爛了，產量十分之多，而這部電影可能因為受到疫情所影響，拍畢了已有一段時間之後才上映，著重於劇情上，顯然沒有像其他電影般大量火光熊熊的場面，電影改編自網絡小說，以暗殺作為主題，多了鬥志鬥力的鋪排及伏線令到電影的懸疑感增加，相比起他近期電影那些離地的劇情，增強了電影的追看性，看得舒服得多了，電影結合推理元素，加強了懸疑部分，電影人物眾多，配合強大的演員陣容，劇本與佈局比預期出色，需要用心看的電影。