鬼玩人：煉獄

3.8⭐與其話佢係鬼片/恐怖片，不如話佢係一套血腥 Cult 片。電影以 evil 再現作背景, 實質以血腥屍殺為實，血腥場面坦蕩蕩做比你睇，啱哂嗜血觀眾，反而鬼怪嚇人就較少，而故事亦較薄弱。如果以血腥 cult 片嚟講可以收貨，冇負三級認證，呢方面同期嘅 "愛你致死不渝” 嘅所謂三級真係行埋一邊。PS.• 一開場就嚟料，所以千其唔好遲入場• 有彩蛋• 冇記錯應該係Substance之後最血腥，不過Substance 故事好好多。• 有兩、三個 shots 鏡頭/畫面設計有啲心思• 廣東話真係博大精深，一早已經預示 "畫公仔畫到出腸" 😅• 建議呢個導演拍真人版 "北斗の拳"

本電影只着重血腥殘忍暴力，故事安排和氣氛都輕輕帶過。着力於血腥的，可以一看。另外，電影攝影方面有水準。觀感驚嚇的作品。

來到第六集，死人不是真的死了，肉體任用自咒自喚。那件東西找不找到都無所謂，畢竟虐待人類更有樂趣，吻吧大家相親相愛～間中的雙重意思笑位加分，喜歡《火遮眼》必不錯過過。雖然有毛孩出演，不過不要給狗狗看到此戲。最尾的片尾看過上集就應該會明白，人都死光無礙今集發展。恐怖比起，噁心卑鄙與創傷血腥佔得更多。輕鬆釣魚作為小前菜就開始降臨來到這家人。削皮刨腳基本，附身必要無情入侵或損傷，背部不發涼更是疼痛！人類怕怕唞大氣，惡魔笑口開心樂折磨 。少許島瞰跟鏡面運鏡稍為特別，反轉空間魔鬼越近日出越着急。有些規矩就無傷大雅，總之內訌崩潰爽殺冚家。就算新亡丈夫明顯有腦洞都照吻成全。外姓人在這家猶如地震拼命避難，法國人應該感同身受如此熱度。怕鬼也不代表要狂搖畫面舒服享受主角一家受害～嫁人之前好好查清對家有無惡魔關係，住得僻遠任叫幫手都無功。假牙的阿嫲是周時笑位貢獻者，口牙到最後要多隻腳！惡魔也受不了她置身事外的模樣最幽默的是。嚴肅的喪禮致辭配上隔離揼揼聲不斷的工地也難忍偷笑。 屠出生天，弒到最盡惡魔還能找人捲土重來。前段全家坐在一齊晚餐是最地獄，同一屋簷關係才是最難頂。橫掂都斃，要是人物背景可以再燒短一點就更佳。有人幸存，看來女主角還可挨多一集。這個年代有親人留底的筆記建議還是真要餵給AI分析備用，死亡之書淺讀研究，惡魔都快衝到過來又不讀到最後。

，，呢套戲主要係講緊家庭暴力，個Ching非常之血腥同暴力，雖然有啲位係唔合情理，大熱天時kill time 必選

幾欣賞佢演繹出嚟嘅故事完整性，因為呢類主打血腥暴力恐怖片通常個故仔都係求求其其輕易帶過，但呢套戲就睇得幾流暢！營造氣氛/變態位都做得幾好，夠哂逼真！值得一睇！👍🏻