搞乜鬼終極奪命雜作

仙蒂上集搞完「午夜胸鈴」同「驚兆」，今集轉行做褓姆照顧阿婆，搬去做湯告老屍鄰居！佢住落發現大屋有古怪，原來係「咒怨」白麪鬼仔上身踩過界，逼仙蒂幫手搵真兇同自己被殺原因，結果陷入「恐懼鬥室」走唔甩！癲喪《搞乜鬼》點止咁少料，仲有一大堆奇情、香艷、驚慄、懸疑、勵志、催淚的最新猛片如「森魔」、「擊情」等，一煲過玩盡最新、最潮、最Hit大片！今集完結篇更邀得多位猛人齊齊搞鬼，有籃球巨無霸奧尼爾(Shaquille O' Neal)、大衛牙擦騷David Letterman的死對頭等，齊齊盡地一煲，有咁鬼大鑊搞咁鬼大鑊！