浪花男女

一套輕鬆嘅運動勵志電影。故事簡單直線，算流暢同完整, 可以輕鬆咁睇。滑浪畫面拍得唔錯, 亦睇得出演員為電影花過時間去練。睇完此電影後對該運動多咗少少認識。朱鑑然同Jeffery 當然亦大騷肌。整體一看無妨。PS • 以楊偲泳嘅功架同劇中嘅個性唔足以說服佢係專業教練級人馬囉😅

格局都係典型運動+勵志+愛情片，起承轉合都係個啲，本身好頹廢呀、接觸運動、跌低後起返身都係大同小異。不過《浪花男女》嘅比例分配上有啲唔同，衝浪元素講得比較淺白，比較著重陽光男女愛情個part，俊男+美女愛情故事點都係好睇。而網絡欺凌（或者用網絡流量？）呢個元素比例都幾重，開頭以為只會係引子，點知好似比「衝浪」呢個主題比例更重。實景拍攝海上衝浪呢點都值得讚，影到香港好靚，我都係會出海玩嘅人，香港水質就…一時時啦，靚嘅時候係真係好靚。諗到都知拍實景衝浪有幾難，香港電影就係有呢種沖勁，咩都死掂佢，結果可以拍到香港海岸線咁靚。導演好知電影賣點係咩，劇本唔算好就大派靚仔靚女衝派福利，老派電影人果然有三根釘。Renci 多元宇宙三部曲，我自己排名係《浪花男女》>《UFO離奇命案》>《廚師發辦》其實3套都好睇，只係個人最鍾意運動+俊男美女愛情故事，而《廚師發辦》又太似《緣路山旮旯》，無乜突破……

馮志強導演對水上運動特別鍾情，上一套看他的viu劇『I Swim』就是講游水。雖然一般評論都不太讚，自己卻好鍾意，講奮鬥，講Team Spirit，講兄弟情，講師生戀，講祟拜天才，鋼琴和配樂都好正。演員陣容強勁，有自己喜歡的袁澧林和吳海昕，Mirror，Error，P1X3L，Jeffrey等。雖然期待的電影版終沒出現，卻換來這套都是講水運的『浪花男女』。講真，套戲劇情就一般，全部在猜想之中，冇乜峰回路轉，談情說愛。導演花了很多精力和時間去拍好Wakeboard 這水上運動，好認真。看得到運鏡很細緻，很有現場感，也感受得到各演員花在熟習和Wakeboard的訓練，下了不少苦功。整體還是可以的，有Jeffrey演出，應有基本盤Fans入場，Renci演技不容置疑。意外的好多導演客串😅，有陳大利，陳詠燊，何爵天，吳煒倫，馮志強，麥啟光，沈錫然，李光耀等，可謂近代導演雲集。還有周家怡飾演毒舌Professor Ma，令人眼前一亮。

"依家好人少左好多架啦，反而嗰啲太平洋白鮓王就好多。""逆風就要加速唔好俾浪掩蓋，順風就要穩定速度唔好撞到。""難做唔代表唔得，何況我地從來都冇容易過。"電影透過幾位玩wakesurf主要角色包括同為網絡KOL嘅經歷，好貼地講出當今網絡文化現象包括未經fact check就未審先判嘅情況、未了解事實清楚就俾網絡主流意見帶風向，亦講出當今現實搵食艱難又矛盾嘅局面，到底以商業gimmick考慮定係以真正實力標榜行先？堅持一直行緊嘅發展道路方向定係嘗試搵出另一條新嘅發展道路方向？而睇得最熱血勵志嘅位，喺新手阿川喺教練孫漫教導之下由一次又一次跌倒慢慢掌握喺海上企喺板塊滑浪控制自身速度方向💪🏻💪🏻仲有之後雙方一齊重新振作令孫漫重拾自信挑戰當今wakesurf界權威Joe神。值得大讚嘅位仲有電影喺海上攝影同剪接處理好用心拍出真實海上wakesurfing嘅感覺，仲有魏浚生Jeffrey主唱嘅主題曲"浪花"好唱出套戲故事入面嘅情景。

演員拍得幾好，劇情有笑位，有感情位，朱鑑然同尋秦記感覺完全唔同，麗英演得好好笑。楊思泳D戲有功架。香港需要呢啲題材同埋演員。唔好咁大陸化

好多打手本身諗住避另一個導演入場支持下香港電影，都係奶野想正面都搵唔到有咩可以讚最大問題係劇本，但導演好似係編劇出生…….費事批評啦唔信自己入場😂假話唔講 錢都比咗