中國乒乓之絕地反擊

諗住老人早場$25 點知因為片長 加到$30$5係小事 但中咗伏至唔抵未入場之前已經知道套戲喺大陸賀歲失敗 票房仆直年初三上畫 年初五落畫 二月再上返 埋單僅得八千萬人仔鄧超又演又導又投資 個人唔見咗1.3億人仔見佢可憐 諗住做下好心(原來好人難做) 今朝入場支持下 原來事出必有因 種瓜得瓜 結果咪瓜咗囉奉勸鄧超以後都係專心做戲啦 導演留返人哋做啦幾年前陳可辛嗰套《奪冠》講中國女排 都係體育片完勝哩齣九條街 都係收得八億 收入好過哩齣十倍無論導演技巧 故事感人 激盪人心 都好好多哩齣戲片過長 講故事平鋪直叙 只好過睇紀錄片少少演員們 包括鄧超 吃力不討好感動唔到觀眾 137分鐘由頭到尾未激動過淚腺閉塞 眼眶乾涸到似沙漠咁反而口部不停放蚊 有利消除雙下巴中國成名嘅運動員極之小氣由《奪冠》演員們唔用得運動員真名開始哩套一樣 話就話真人真事改編 但所有乒乓球名將同教練領隊體育部官員全部由演員用假名出演馬文革 丁松 王濤 劉國樑 孔令輝全部變咗陌生名字咁仲有乜真實性呢 嚴重削弱說服力呀如果現實/歷史比電影更激動人心 咁電影仲拍嚟做乜呢簡直係除褲放屁 多餘！！！電影CG好多瑕疵 周時個波郁咗 個演員至出手 假到你唔信呀中國男乒由1988年漢城奧運首次引入乒乓球比賽項目後跌落谷底連續兩屆奧運 中國男乒個人賽只得一枚銅牌世界盃 世界錦標賽不停輸 輸到好似亡國咁 球員和國民都冇晒信心直至蔡振華總教練上台至谷底反彈佢做球員時 同期嘅江嘉良雖曾經係兩屆世界冠軍但我永遠記得佢自恃世界第一嘅身份 喺漢城奧運比賽途中 居然要求換球證 囂張跋扈 柒出國際 丟臉丟到全世界蔡振華做球員時 個人成績平庸 但同好多球員出身嘅教練一樣 打波唔叻教波反而好叻輸嘅知道點解會輸 至可以對症下藥 藥到病除加強體能訓練 引入體育科技改善技術 嚴控球員紀律及私生活最緊要係「胡服騎射」「禮失求諸野」虛心地以敗軍之將嘅身份 向勝利者學習先進打法終於敗部復活 由九十年代中開始 雄霸球壇至今反觀乒乓球發源地嘅英國 上一個世界冠軍已經係1954年嘅事鄧超今次之所以失敗 係因為犯咗1988年中國人喺漢城奧運嘅毛病又想賺大錢 又可以自high 又唔使認真 又唔使努力 你係唔係諗多咗呀

看鄧超自導自演的熱血電影《中國乒乓之絕地反擊/Ping Pong: The Triumph》，劇情講述1992年至1995年期間，中國乒乓球國家隊正陷低潮，乒乓球教練(鄧超 飾)由國外回國擔任主帥進行改革，帶領著五名運動員在天津世錦賽絕地反擊，重登世界第一寶座的故事。電影與真人真事作為題材，觀眾仿似是重溫咗成個中國乒乓球隊嘅一生咁，像在睇奧運，呢個得來不易嘅勝利嘅背後，每個運動員都付出咗好多努力及背負著好多，呢種就係運動嘅魅力，體育運動類別題材電影都是比較罕見的，尤其這是乒乓球，可以想像得到球賽有多難拍，亦難拍得好，可見導演野心有多大，膽識過人，如何能拍出好的球賽場面，難度之高，拍得好就沒事，拍得不好就肯定出事！用心拍岀來的電影，不落俗套，有笑點但並非無聊，劇情亦算豐富，已算是比預期中好看。

拍攝難度高，有心努力的作品，熱血推進流於公式化，人物的不熟悉也較難投入。

非常平舖直敘非常參考中國女排 但係由於太近了 一句講晒，就係由失敗 最後終於可以成功的故事 中間嘅金句，太過直白 打乒乓波嘅畫面嘅歌，唔夠真實 成個故事嘅導演風格太過奇怪

比賽拍得很逼真！！！！！

場景回到90年代做得逼真，故事緊張刺激