劇場版 幼女戰記

幼女戰記呢部作品我都幾鍾意嘅，動畫版都有追晒，得知有劇場版嘅時候已經好期待，估吾到香港都會入映，等左咁耐，終於上映啦，緊係要盡快入場睇啦。 睇完之後，我係覺得正嘅，好睇嘅，劇情同角色都好鍾意，畫風幾靚，節奏快，冇悶位，真係幾刺激下，整體表現幾滿意。 首先，真係不得不讚發行商，喺上映度嘅安排得好好,呢套劇場版嘅信息根本就係講緊香港而家嘅狀況，相信睇呢套劇場版嘅觀眾都會有所共鳴。今次劇場版嘅資素都保持倒動畫版嘅資素，劇場版嘅水凖甚至可以話係超越動畫版。今次嘅劇場版就承接返動畫版嘅劇情，203航空魔導大隊今次主要就係要對付聯邦，今次套戲一開波就由打到落尾，槍戰場面明顯比動畫版多，槍戰場面真係相當刺激，睇得非常之爽。 角色方面，主角提古雷查夫同以往一樣，表現都係咁瘋狂，經常會有啲顔藝嘅表情，真係睇得幾過癮，正呀，掂呀。至於另一個受大家注目嘅角色，喺動畫版死左老豆嘅瑪麗·蘇，呢個角色真係描寫得好好，觀眾睇嘅時候，真係會感受到佢內心嗰種憤怒，意想不到嘅係，瑪麗·蘇嘅實力超強，同提古雷查夫真係有得揮。提古雷查夫同瑪麗·蘇嘅對戰真係相當精彩，最後嗰場對戰簡直可以話係為呢一套劇場版帶嚟一個高潮。至於其他配角(例如203航空魔導大導)嘅表現都吾錯，同以往一樣咁好，但今次主要就冇着重喺佢地度，反而佢地就多左啲笑位，真係幾好笑下。 總括嚟講，呢套劇場版係正嘅，好睇嘅，劇情同角色都鍾意，幾刺激下，呢套劇場版就好推介啦，鍾意幼女戰記嘅朋友就啱晒啦，希望遲啲快啲有第二季啦。

唔講政治，好睇就係好睇。我冇睇漫畫，亦冇睇幼女戰記好奈，好多劇情唔記得（乜國乜國勢力），但直接入場睇睇吓明曬，好快投入到。我比較中意睇細節，佢冇d大製作(eg fate)咁有錢（移動鏡頭爽，但會掉幀，會用番第一季質量嘅cg，有少少打鬥鏡頭平移不自然），但睇得出製作都好盡力，我好enjoy。充滿第一季嘅元素，有幾多笑位， 函接第一季劇情。推薦有睇第一季到尾嘅人入場睇吓當支持。ps: 我入場前都冇睇pv, 覺得ed好聽👍

完全冇追過番都會明嗰劇情，不過係有2個bug位扣左分

打鬥做得十分好，劇情豐富，鐘意戰術同歷史嘅會好喜歡！而且好適合現今香港！