第151個朋友

個人覺得套戲是出色，導演無論執行同處理也令人眼前一亮同感動，他在整套戲中每一個環節的處理也是很熟練同準繩。而他也可以在不俗套之餘，故事處理上每一個轉折同扭穚也很通順、深刻而可做到首尾呼應的效果。而如果是影迷或者有拍開片的人，睇這套也會很有共鳴，他們拍片一段的確令人會心一笑。個人其中最喜歡是他們如何用山寨的方法，將職業特工隊同天能混合一起，這段的確令人拍案叫絕。咁當然在角色塑造同劇情處理上，導演今次執行的確是不俗，他所描寫的角色，在情感上是細緻而豐富，而互相之間的互動同其化學反應也是令套戲更有味道。痴·影·夢·藝 X 的專頁 https://www.facebook.com/ckwunmovie/

電影講述青少年在成長期如何學懂“朋友”2字，內容頗多，片中男女角顏值陽光俊美，情節也不老套，有點曲折。但個人覺得角色描繪不立體，角色間沒有發揮力量，令觀眾沒有感覺青少年友情的特別處，沒有如台灣九把刀那套賣座青春片的力量。可幸電影尾端總結拍得不俗。

每個人都有特別之處，如戲中所講，可能係有各種才能各種成就，亦可能係受大家歡迎，但男主角也是特別的人。以朋友作主題的校園電影，加少少奇幻元素，使一位看似平平無奇嘅學生，變得特別，窩心動人，亦令我懷念校園時代果份純粹嘅友誼，係多麼難得。4.7/5 （94分）

哩套可能係我睇過最好睇嘅泰國電影🎬男女演員都青春可人高顏值，單是睇樣都賞心悅目！故事充滿青春氣息，呼喚著我遠去咗嘅青春回憶和印記，能引起觀眾共鳴嘅就係好戲。求學生涯如果冇霸凌、毒品、黑社會、自殺和壓力，剩下嘅除咗浪漫仲有乜嘢呢？闖禍、作弊、出賣、友情、初戀、學校、師長、家長和後悔！柏來不及和祖做好朋友、嬝來不及和祖開始戀愛、昂來不及參加短篇故事比賽、寶琪來不及道歉、柏來不及修改參賽短片成得獎作品（錯過入大學的捷徑）⋯⋯但青春就是本錢，有的是時間，可以重頭來過，珍惜第二次第三次⋯⋯機會，於是柏交了更多朋友、嬝趕得及向第二個男友獻上初吻、昂可以延續生命再創作更多故事、寶琪來得及向柏道歉、柏來得及到片場實習⋯⋯除非像祖不幸丟了生命，便再冇機會？但只要有朋友，祖仍然活在他們心中，成為特別的人帶來特別的記憶和歡樂，青春的生命雖然夭折，但好朋友不會忘記朋友和同學，會寫日記、做powerpoint、拍短片把故友永遠保存下來，讓祖雖死猶生，於是柏安慰伯母，祖在另一個平行宇宙繼續學業、事業、戀愛、成家立室、生兒育女、雖然平凡但繼續生存落去，至少喺大家心中、記憶中和幻想中。電影雖然青春熱血窩心感人，但編劇和導演表達上仍然牽強犯駁，要呃入世未深、簡單純情嘅少男少女是可以的，尤其編和導不斷扭橋，反轉再反轉，花多眼亂又俾感情和淚水蒙蔽理智下，泰國後生仔女一定又笑又喊，大讚係好片！但阿柏持刀傷人，仲令女孩毀容，而且已是中六學生準備考大學，都差唔多十七八歲，傷人係刑事罪行，至少都要上少年法庭，甚至坐監，又豈是退學轉校就可以了事呢？另外，阿柏初嚟甫到，對熱情嘅阿祖非常冷淡，終日一副臭臉，但導演事後不停插叙，意圖今日打倒昨日，原來佢哋趕得切喺阿祖離世之前做咗好兄弟，因為佢哋交換咗各自嘅秘密，這種前段刻意誤導觀眾，後段又兜返，並不能自圓其說，太牽強太堆砌，反而煽唔到情亦唔感人囉。加上阿柏一開始明擺著對阿祖冇乜感情，為阿祖拍短片志在利用「摯友身份」參賽奪獎入大學，又市儈又虛偽又自私，但後來插入好多兩人以前溫馨嘅畫面，企圖翻案，當觀眾都只有金魚記憶嗎？？？所以電影入圍唔到奧斯卡最佳國際電影提名名單都有道理，因為故事牽強膚淺冇深度呀。但瑕不掩瑜，泰國電影不斷進步，至少港產校園片拍唔出哩個高度，泰國加油，希望拍更多不同類型好片（唔好淨識拍鬼片），香港觀眾支持你哋！！！

故事同劇情本身唔太吸引，前半段沉悶，後半段有點拖同埋太刻意用畫面/配樂去煽情，以彌補劇力嘅不足。中文片名“第151個明友”電影中只輕輕以對白提過幾次，並非代表電影故事主題重心， 唔好誤會。年青演員演出生硬，未能帶觀眾入戲同打動觀眾。

港譯戲名好似好動人，但其實呢個「151」在戲中只提及過兩三次，並非電影重點。不過戲中角色有提出過視對方為自己的第151個朋友，某程度上也是有點意思。.中學時代坐你旁邊的同學是你的好朋友嗎？其實我已經諗唔起邊個坐我隔離，不過現在回看，學生時代的友誼跟畢業後所結識的朋友關係確實有點不一樣。電影中的友情，也滲透少少愛情，幾段角色關係都寫得唔錯，青澀的男女關係，因小誤會而鬧不和的愧疚，不對等的付出等等，劇情好唔真實，但感覺好真實。.男角色的死亡所引伸的也值得反思，全校悼念只是儀式，他在某些人心中佔有重要地位，同時也有不少人只視他為過路人般的存在。電影一直營造到他在男主角心中只是個過路人，到後期回顧往事才知二人關係匪淺，有點感人但又有點前後矛盾的感覺，因為一直感受不到戲中男主角有視對方為好朋友的感覺。.劇情主線講這班學生拍攝短片的過程幾熱血，幾有娛樂性，看過一次「成品」到最後面世的「傑作」，絕對感受到當中的感情，學生對影片的反應亦證明了重視的人與過路人的觀感大不同，呢個尾收得唔錯。.觀影平台: Premiere Elements.IG : AndyMyFilmography/ #AndyMovieReview